Eýropalyq Odaq Resei Prezidenti Vladimir Pýtin, Premer-Ministr Mihail Mishýstin, Syrtqy ister ministri Sergei Lavrov, Qaýipsizdik Keńesi tóraǵasynyń orynbasary Dmitrii Medvedev pen Ishki ister ministri Vladimir Kolokoltsevti Ýkrainadaǵy operatsiiaǵa bailanysty «qara tizimge» engizdi.
Bul týraly senbi kúni arnaiy normativtik aktiler jariialanǵan EO Resmi jýrnalynan málim boldy, dep habarlaidy QazAqparat reseilik TASS agentttigine silteme jasap.
Tizimde Resei basshylyǵynda otyrǵandar, Parlament depýtattary men sheneýnikter, joǵary shendi áskeri qolbasshylar, Belarýs eliniń shekara bazalary men ózge de bólikterinde basshylyqta otyrǵan 98 adam bar.
«Jaǵdaidyń kúrdeliligine orai Keńes ókilderi Resei tarapynyń ózderin respýblika dep jariialaǵan Donetsk men Lýgansk memleketterin shuǵyl moiyndaý kerektigin qoldaǵan Ulttyq qaýipsizdik komitetiniń ókilderi de shekteýler engiziletin jeke jáne zańdy tulǵalar tizimine engizilýi kerek dep esepteidi. Buǵan qosa Resei tarapynyń áskeri agressiiasyna qoldaý kórsetken Belarýs tarapynyń da ókilderi, sondai-aq «Resei Federatsiiasy men Donetsk halyq respýblikasy, Resei Federatsiiasy men Lýgansk halyq respýblikasy arasyndaǵy dostyq, yntymaqtastyq, ózara kómek týraly» úkimettiń sheshimin ratifikatsiialaǵan Memlekettik dýmanyń ókilderi de engizilýi kerek», - delingen habarlamada.
Málimdemege EO «qara tizimge» engizgen 98 adamnyń aty-jóni qosa berilgen. Osylaisha, tizimdegi adamdar sany 670-ti qurady.
