«Taǵy bir tyiym salyndy»: Eýropa diplomatiiasynyń basshysy Jozep Borrel EO-nyń Ýkrainaǵa qarý-jaraq jetkizýdi bastaý týraly sheshimin osylai túsindirdi. Sonymen birge, Eýropalyq Odaq reseilik ushaqtardyń, sonyń ishinde biznesmender men oligarhtardyń jeke kólikteriniń ushýyna tolyq tyiym salady, dep habarlaidy QazAqparat Euronews-ke silteme jasap.
Eýropalyq komissiia tóraǵasy Ýrsýla fon der Leien budan buryn Euronews telearnasyna bergen suhbatynda: «Eýropalyq Odaq tarihta alǵash ret shabýylǵa ushyraǵan elge qarý-jaraq pen basqa da jabdyqtardy satyp alýdy jáne jetkizýdi qarjylandyrady», - degen edi. Eýrokomissiianyń málimeti boiynsha, áńgime qarý-jaraqqa 450 million eýro jáne taǵy 50 million eýrony meditsinalyq qural-jabdyqtar siiaqty basqa da jabdyqtaý túrlerine jumsaý jospary týraly bolyp otyr.
«Biz Eýroodaqtyń áýe keńistigin Reseige jaýyp jatyrmyz. Biz Reseige tiesili, Reseide tirkelgen, Resei baqylaýyndaǵy barlyq ushaqtarǵa tyiym salyp jatyrmyz. Olar endi Eýroodaqtyń áýe keńistigi arqyly qonyp, usha almaidy», - dedi Eýrokomissiia tóraǵasy.
EO sondai-aq reseilik RT jáne Sputnik telearnalarynyń habar taratýyna tyiym salady jáne bul olardyń enshiles kompaniialaryna da qatysty. Sanktsiialardyń bólek paketi Aleksandr Lýkashenko úkimetine qarsy.
Eske salaiyq, 24 aqpanda Resei prezidenti Vladimir Pýtin Donbass respýblikalary basshylarynyń úndeýine jaýap retinde arnaiy áskeri operatsiia júrgizý týraly sheshim qabyldaǵanyn aitqan. Ol Máskeýdiń josparlarynda Ýkraina aýmaqtaryn okkýpatsiialaý joq ekenin, maqsat eldi demilitarizatsiialaý jáne denaziialandyrý ekenin atap ótti.
Ýkraina áskeri jaǵdai jariialap, Reseimen diplomatiialyq qarym-qatynasyn úzdi. Ýkraina prezidenti jalpy jumyldyrý týraly jarlyqqa qol qoidy.
Buǵan deiin Eýroodaq Ýkrainadaǵy áskeri operatsiiaǵa bailanysty Resei prezidenti Vladimir Pýtindi, premer-ministr Mihail Mishýstindi, syrtqy ister ministri Sergei Lavrovty, RF Qaýipsizdik keńesi tóraǵasynyń orynbasary Dmitrii Medvedevti, ishki ister ministri Vladimir Kolokoltsevti «qara tizimge» engizgen bolatyn.
