Foto:elements.envato.com
Eýroodaq Reseige qarsy toǵyzynshy sanktsiialar paketin ázirlep jatyr. Bul týraly "Azattyq radiosy" halyqaralyq media-kompaniiasynyń Eýropadaǵy redaktory Rikard Iozviak málimdedi, - dep habarlaidy Tengrinews.kz.
Rikard Iozviak Twitter-paraqshasynda sanktsiialar paketi reseilik aktivterdi tárkileý, múlikti satýǵa tyiym salý jáne aldyńǵy raýndtarda qarastyrylǵan basqa da máselelerdi qamtýy múmkin ekenin aitty.
"Qazirdiń ózinde EO-nyń Reseige qatysty jańa sanktsiialar paketi boiynsha jumys júrgizilip jatyr", - dep jazdy Iozviak.
Onyń aitýynsha, jańa sanktsiialar paketinde Belarýske qatysty shekteýler de bolýy múmkin, óitkeni ol burynǵyǵa kirmegen.
Eýroodaqtyń syrtqy saiasat jónindegi ókili Piter Stano 10 qazanda ótken brifingte Aleksandr Lýkashenko Reseige Ýkrainamen soǵysta belsendi túrde kómektesetin bolsa, Belarýs EO-nyń jańa shekteý sharalaryna tap bolatynyn aitty. Sonymen qatar, Eýropalyq Odaq Lýkashenkonyń Ýkrainaǵa Belarýs territoriiasyna shabýyl jasaýdy josparlaýǵa qatysty aiyptaýynan habardar, dedi ol.
"Lýkashenkonyń Belarýs-Resei áskerleriniń birikken tobyn qurý týraly málimdemesin estidik. Bul Eýroodaqtyń nazarynan tys qalmaityn eskalatsiianyń taǵy bir mysaly", - dep túiindedi Stano.
Eske salaiyq, keiingi aptada ǵana EO keńesi Reseige qarsy sanktsiialardyń segizinshi paketin maquldaǵan bolatyn.
