Eýropalyq odaq elshileri Reseidiń áskeri qyzmetin qarjylandyrý múmkindigin shekteýge baǵyttalǵan altynshy sanktsiialar paketin qabyldady, dep habarlaidy QazAqparat Bloomberg agenttigine silteme jasap.
Bul sharalar EO-ǵa múshe elderge Reseiden teńiz arqyly jetkiziletin shiki munaidy 6 aiǵa, sondai-aq munai ónimderin 8 aiǵa satyp alýǵa tyiym salady.
Sanktsiialar paketi Sberbankti, Máskeý kredittik bankin jáne Rosselhozbankti SWIFT halyqaralyq tólem júiesinen ajyratýdy, reseilik kompaniialarǵa konsaltingilik qyzmet kórsetýge jáne birqatar himiialyq zattardyń saýdasyna tyiym salýdy qarastyrady.
Sondai-aq sanktsiia sharalary gimnast, Olimpiada chempiony Alina Kabaevaǵa, ondaǵan áskeri qyzmetkerge jáne Resei qarýly kúshterin qural-jabdyqtarmen, materialdarmen jáne qyzmettermen qamtamasyz etýshi kompaniialarǵa qarsy qoldanylatyn bolady.
