Eýropa odaǵy grek araldaryndaǵy migranttarǵa arnalǵan bes lagerdi salýǵa jáne jóndeýge 276 million eýro bóledi. Bul týraly Ishki ister jónindegi eýrokomissar Ilva Iohansson málim etti. Ol dúisenbide Samos pen Lesbos araldaryna barady, dep habarlaidy "Ult aqparat" Agence France-Presse-ke silteme jasap.
Agenttiktiń habarlaýynsha, ol Túrkiiany Grekiiadan pana taba almaǵan migranttardy shuǵyl qabyldaýǵa shaqyrdy.
Dúisenbi kúni Eýropalyq keńes basshysynyń ókili Barend Leits Sharl Mishel men Eýrokomissiianyń basshysy Ýrsýla fon der Liaien 6 sáýirde Túrkiiaǵa baryp, prezident Rejep Taiyp Erdoǵanmen kelissózder júrgizedi dep málimdedi. Kelissózderdiń naqty ne týraly bolatyny áli habarlanǵan joq.
Grekiia úkimetiniń málimetteri boiynsha, 2020 jyl ishinde Grekiia araldaryndaǵy kóshi-qon aǵyny 87%-ǵa, Túrkiiamen shekaralas Evros oblysynda 62%-ǵa azaidy.
