Jýyrda «Enshi» ziiatkerlik-tanymdyq televiziialyq jobasy kórermenge jol tartady. Jobaǵa 10-11 synyp oqýshylary men 1-2 kýrs stýdentteri qatysa alady. Baǵdarlama elimizdiń eń bilimdi jasyn anyqtaýǵa baǵyttalǵan. Bilim báigesi QR Mádeniet jáne sport ministrligi Tilderdi damytý jáne qoǵamdyq-saiasi jumys komiteti men Sh.Shaiahmetov atyndaǵy tilderdi damytýdyń respýblikalyq úilestirý-ádistemelik ortalyǵynyń bastamasymen qolǵa alyndy. Tórt kezeńdi qamtityn saiysqa elimizdiń túkpir-túkpirinen 48 qatysýshy iriktelip alynady. Bilgirler básekesinde qoiylatyn suraqtardyń deni tarih, mádeniet, ádebiet pen salt-dástúrge negizdelgen. Sondai-aq, intellekt, logika jáne myqty erýditsiia da óz septigin tigizedi.
Sonymen irikteý Aqtaý qalasynda 18-qyrkúiekte bastaý alsa, Óskemende 19-y, Aqtóbe men Almatyda 21-i, Shymkentte 25-si, Astanada 29-y ótedi. Eki kezeńnen turatyn saiysta qatysýshylar úsh blogqa bólingen tapsyrmany oryndaidy. Alǵashqy blogta berilgen 10 saýaldyń bir ǵana nusqasy durys bolsa, ekinshi blokta suraqtardyń birneshe jaýaby bolady. Al úshinshi blokta uzyn-sany jiyrma saýaldyń eshbir nusqasy usynylmastan, jazbasha túrde alynady. Testileýden joǵary upai jinaǵandar ekinshi kezeńde baqtaryn synaidy. Bul ainalymda qatysýshylarǵa aýyzsha túrli saýaldar qoiylady. Aimaqtyq kezeńge qatysa almaǵandar baǵdarlama saitynda (www.yenshi.kz-avt.) ótinish qaldyrý múmkindigine ie. Degenmen, tirkelý úshin de úmitkerlerdiń bilimi tekseriledi. Iaǵni, ótinish qaldyrmas buryn qatysýshy 50 sekýnd ishinde 10 saýalǵa jaýap berýi tiis. Qoiylǵan suraqtardyń 9-yna durys jaýap bergen qatysýshyǵairikteý komissiiasy 29-30 qyrkúiek aralyǵynda «Skype» arqyly bailanysqa shyǵyp, ekinshi kezeńniń suraqtaryna jaýap alady. Synnan súrinbei ótkender ǵana jobanyń televiziialyq kezeńine joldama alady. Uiymdastyrýshylar saýaldardyń úzdiksiz ózgerip otyratynyn aitady.
Aimaqtyq kezeńge barlyǵy 1500 úmitker qatysady dep josparlanǵan. Sondai-aq, baǵdarlamada 1400 suraq oqylady dep kútilýde. Suraq demekshi, baǵdarlamada kórermender de saýaldaryn qatysýshylarǵa joldaýyna bolady.
- Baǵdarlamada qazaqtyń baiyrǵy salt-dástúri men ulttyq qundylyǵyn jańǵyrtý kózdelip otyr. Bul jobanyń burynǵy ziiatkerlik-saiystardan ózgesheligi osynda. Iaǵni, jeńimpaz tek bilimdi ǵana emes, salt-dástúrimizben sýsyndaǵan, qazaq tiliniń qadir-qasietin sezine alatyn jas bolady,- dedi Sh.Shaiahmetov atyndaǵy tilderdi damytýdyń respýblikalyq úilestirý-ádistemelik ortalyǵynyń PR-menedjeri Jazira Ákimqyzy.
Dodada úzdikterden iriktelgen 48 oiynshy jobanyń alǵashqy ainalymynda 15 suraqqa jaýap beredi. Ekinshi «Toǵyz torap» kezeńinde, aty aityp turǵandai 9 túrli taqyryp tóńireginde ózara synǵa túsedi. Al «Jamby atý» kezeńinde oiynshylar ózderi qalaǵan uiashyqqa jambyny ornalastyrý arqyly suraqty tańdaýǵa quqyly. Sońǵy ainalym tutastai qazaqtyń shoqtyǵy biik shyǵarmalary men olardyń avtorlary, salt-dástúrler, folklordan keledi.
Saiys sońynda jeńimpazdar men júldegerlerdi qomaqty syiaqy kútedi.
Nurbai ShÁKIM
