Almatyda 1961 jyly týǵan enesine jynystyq sipattaǵy zorlyq-zombylyq kórsetti degen kúdikpen er adam ustaldy, dep habarlaidy ult.kz.
Oqiǵa 17 tamyzda bolǵan. Aldyn ala málimet boiynsha, kúdikti enesiniń úiine «shai ishýge» kelgen. Tergeý nusqasyna sáikes, ol áieldiń dármensiz jaǵdaiyn paidalanyp, oǵan qatysty zorlyq áreketin jasaǵan.
Jábirlenýshiniń úsh balasy bar. Olardyń biri erekshe kútimdi qajet etedi. Sondai-aq áiel úsh jyl buryn aýyr jol-kólik oqiǵasyna túsip, sodan beri densaýlyǵyna bailanysty qiyndyqtarmen ómir súrip kelgen.
Oqiǵa jábirlenýshiniń qyzy politsiiaǵa aryzdanǵannan keiin belgili bolǵan. Áiel óz kúieýine shaǵym túsirip, anasynyń quqyqtaryn qorǵaýǵa tyrysqan.
Buǵan deiin tergeý barysynda sot-meditsinalyq saraptama qujattarynyń tiisti deńgeide rásimdelmeýine bailanysty istiń qaralýy sozylǵany habarlanǵan. Osydan keiin qoǵam belsendileri isti baqylaýǵa alyp, Almaty qalasynyń prokýratýrasy men zańgerlerdi jaǵdaiǵa aralasýǵa shaqyrǵan.
Qazir atalǵan derek boiynsha tergeý amaldary júrgizilip jatyr. Quqyq qorǵaý organdary oqiǵanyń barlyq mán-jaiyn anyqtaýda.
