2019 jyly 20 sheneýnik energetika jáne turǵyn úi-kommýnaldyq sharýashylyq salasyndaǵy jemqorlyq úshin sottaldy, dep habarlaidy "Ult aqparat".
Bul týraly brifingte Qazaqstan Respýblikasy Sybailas jemqorlyqqa qarsy is-qimyl agenttigi birinshi departamentiniń aǵa tergeýshisi Daniiar Begaidarov málimdedi.
«Energetika jáne turǵyn úi-kommýnaldyq sharýashylyqty qoldaý úshin jyl saiyn biýdjetten milliardtaǵan qarajat bólinedi. Degenmen, bul salanyń damýyna jemqorlyq faktileri únemi kedergi bolyp otyr. Statistikaǵa súiensek, 2019 jyly osy salada shamamen 104 qylmystyq is qozǵalǵan, onyń ishinde 91 qylmystyq isti sybailas jemqorlyqqa qarsy qyzmettiń ózi tirkegen. 56 óndiris aiaqtalyp, onyń 49-y sotqa joldandy. Atalǵan qylmystyq ister boiynsha 20 laýazymdy tulǵa sottaldy. Tek 2019 jyly memleketke jasalǵan qylmystardan kelgen zalal 2,5 milliardtan astam teńgeni qurady. Qazirgi ýaqytta keltirilgen shyǵyn 100% óteldi», - deidi Daniiar Begaidarov.
Onyń aitýynsha, qazirgi ýaqytta aimaqtarda sybailas jemqorlyqqa qatysty birqatar qylmystyq ister qaralýda. TKSh salasynda bul - negizinen para alý, qyzmetti asyra paidalaný jáne atqarylǵan jumys aktilerine zańsyz qol qoiýǵa bailanysty urlyq túrindegi sybailas jemqorlyq faktileri. Bul sý tazartý qurylystaryn kúrdeli jóndeýden ótkizý, sýmen jabdyqtaý júiesine tiisti jabdyqtardy ornatý, kóshelerdi jaryqtandyrý jáne kógaldandyrý, kólik quraldarynyń jyldamdyǵyn kúsheitý úshin jabdyqty ornatý týraly aktiler.
Sondai-aq, tender kezinde sybailas jemqorlyq faktileri oryn alyp otyr. Úi alý kezegin jyljytýǵa bailanysty para alý faktileri, magistraldyq jelilerdi, sýmen jabdyqtaý jáne sý tazartý qurylystaryn qalpyna keltirýge bólingen qarajatty urlaý faktileri de kezdesedi.
«2017 jyldan bastap 2019 jylǵa deiin sybailas jemqorlyqqa qarsy qyzmet energetika jáne turǵyn-úi kommýnaldyq sharýashylyq salasyndaǵy 300-den astam sotqa deiingi tergeýdi tirkedi. Onyń ishinde 288 qylmystyq is aiaqtaldy, 92% nemese 265 is sotqa joldandy, sonymen qatar 78 adam sottaldy», - deidi ol.
