2019 جىلى 20 شەنەۋنٸك ەنەرگەتيكا جەنە تۇرعىن ٷي-كوممۋنالدىق شارۋاشىلىق سالاسىنداعى جەمقورلىق ٷشٸن سوتتالدى, دەپ حابارلايدى "ۇلت اقپارات".
بۇل تۋرالى بريفينگتە قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸ بٸرٸنشٸ دەپارتامەنتٸنٸڭ اعا تەرگەۋشٸسٸ دانييار بەگايداروۆ مەلٸمدەدٸ.
«ەنەرگەتيكا جەنە تۇرعىن ٷي-كوممۋنالدىق شارۋاشىلىقتى قولداۋ ٷشٸن جىل سايىن بيۋدجەتتەن ميللياردتاعان قاراجات بٶلٸنەدٸ. دەگەنمەن, بۇل سالانىڭ دامۋىنا جەمقورلىق فاكتٸلەرٸ ٷنەمٸ كەدەرگٸ بولىپ وتىر. ستاتيستيكاعا سٷيەنسەك, 2019 جىلى وسى سالادا شامامەن 104 قىلمىستىق ٸس قوزعالعان, ونىڭ ٸشٸندە 91 قىلمىستىق ٸستٸ سىبايلاس جەمقورلىققا قارسى قىزمەتتٸڭ ٶزٸ تٸركەگەن. 56 ٶندٸرٸس اياقتالىپ, ونىڭ 49-ى سوتقا جولداندى. اتالعان قىلمىستىق ٸستەر بويىنشا 20 لاۋازىمدى تۇلعا سوتتالدى. تەك 2019 جىلى مەملەكەتكە جاسالعان قىلمىستاردان كەلگەن زالال 2,5 ميللياردتان استام تەڭگەنٸ قۇرادى. قازٸرگٸ ۋاقىتتا كەلتٸرٸلگەن شىعىن 100% ٶتەلدٸ», - دەيدٸ دانييار بەگايداروۆ.
ونىڭ ايتۋىنشا, قازٸرگٸ ۋاقىتتا ايماقتاردا سىبايلاس جەمقورلىققا قاتىستى بٸرقاتار قىلمىستىق ٸستەر قارالۋدا. تكش سالاسىندا بۇل - نەگٸزٸنەن پارا الۋ, قىزمەتتٸ اسىرا پايدالانۋ جەنە اتقارىلعان جۇمىس اكتٸلەرٸنە زاڭسىز قول قويۋعا بايلانىستى ۇرلىق تٷرٸندەگٸ سىبايلاس جەمقورلىق فاكتٸلەرٸ. بۇل سۋ تازارتۋ قۇرىلىستارىن كٷردەلٸ جٶندەۋدەن ٶتكٸزۋ, سۋمەن جابدىقتاۋ جٷيەسٸنە تيٸستٸ جابدىقتاردى ورناتۋ, كٶشەلەردٸ جارىقتاندىرۋ جەنە كٶگالداندىرۋ, كٶلٸك قۇرالدارىنىڭ جىلدامدىعىن كٷشەيتۋ ٷشٸن جابدىقتى ورناتۋ تۋرالى اكتٸلەر.
سونداي-اق, تەندەر كەزٸندە سىبايلاس جەمقورلىق فاكتٸلەرٸ ورىن الىپ وتىر. ٷي الۋ كەزەگٸن جىلجىتۋعا بايلانىستى پارا الۋ فاكتٸلەرٸ, ماگيسترالدىق جەلٸلەردٸ, سۋمەن جابدىقتاۋ جەنە سۋ تازارتۋ قۇرىلىستارىن قالپىنا كەلتٸرۋگە بٶلٸنگەن قاراجاتتى ۇرلاۋ فاكتٸلەرٸ دە كەزدەسەدٸ.
«2017 جىلدان باستاپ 2019 جىلعا دەيٸن سىبايلاس جەمقورلىققا قارسى قىزمەت ەنەرگەتيكا جەنە تۇرعىن-ٷي كوممۋنالدىق شارۋاشىلىق سالاسىنداعى 300-دەن استام سوتقا دەيٸنگٸ تەرگەۋدٸ تٸركەدٸ. ونىڭ ٸشٸندە 288 قىلمىستىق ٸس اياقتالدى, 92% نەمەسە 265 ٸس سوتقا جولداندى, سونىمەن قاتار 78 ادام سوتتالدى», - دەيدٸ ول.
