Energetika salasyndaǵy táýelsiz sarapshy Ánýar Qoshqarbaev energiia óndirýshi uiymdardyń shekti tarifterine qatysty túzetýler salaǵa investitsiia salýǵa múmkindik beretinin aitty, dep habarlaidy QazAqparat.
«Tarifter qabyldandy jáne osyndai sheshimniń maqsaty túsinikti bolyp otyr. Bul qadamdar stantsiialardy qoldaý úshin jasalýda. Qazirgi kezde stantsiialar úshin investitsiialar jetkiliksiz. 2016 jyldan 2018 jyl aralyǵynda tarif turaqty deńgeide boldy. Al stantsiialar shyǵyndary, sonyń ishinde otyn baǵasy men jóndeýge jumsalatyn ózge de shyǵyndar óskeni belgili. Sondyqtan qazirgi qabyldanǵan sharalar joǵaltyp alǵan deńgeidi qalpyna keltirýge baǵyttalmaq», - dedi Á. Qoshqarbaev.
Onyń sózine qaraǵanda, 2015 jyly barlyq stantsiialardyń taza kirisi 107 mlrd teńgeni, 2019 jyly onyń somasy 60 mlrd teńge shamasynda boldy. 2020 jyly bul kórsetkish 80 mlrd teńge kóleminde qalyptasady dep kútilýde.
«Energetika salasy burynǵy deńgeidi qalpyna keltirýge tyrysýda. Jaqynda tiisti qadam jasaldy, iaǵni shekti tarifter boiynsha tiisti buiryq bekitildi. Osy sharalar iske asyrylmasa, onda 2008 jyldaǵy jaǵdaiǵa tap bolamyz. Iaǵni sol kezeńde qýat deńgeii jetispegen edi. Eger biyl qajetti sheshim jasalmasa, aldaǵy 3-4 jylda qiyn jaǵdai bolýy yqtimal. Sondyqtan bul qadamdardy birtindep jasaǵan durys. Osy oraida stantsiialar dástúrli shyǵyndaryn japqannan bólek, jańa qýattardy iske qosýǵa qaýqarly bolýy tiis. Ministrlik tarapynan dál osy maqsattarǵa qabyldanǵan sharalar jaǵdaidy jaqsartýǵa kómektesedi. Barlyq esepteýlerdi eskere kele, energiia óndirýshi uiymdardyń shekti tarifterine qatysty túzetýdi qoldaimyn», - dedi sarapshy.
