QR Energetika vitse-ministri Áset Maǵaýov biyl Qazaqstanda qansha munai óńdeletinin aitty, dep habarlaidy QazAqparat.
«Bizde ishki óńdeý munai óndirý kólemimen sharttalmaǵan. Munai óńdeý kólemin birinshi kezekte ishki naryqtaǵy suranys pen usynysqa qarai qalyptastyramyz. Boljam boiynsha biylǵa óńdeý jospary 17 mln tonna kóleminde belgilendi», - vitse-ministr Ortalyq kommýnikatsiialar qyzmetinde.
Budan buryn habarlanǵandai, Áset Maǵaýov elimizde benzinge suranys tómendegenin aitty.
«Kóptegen elderde indetke qarsy sharalardy engizýge qatysty janar-jaǵarmaidy paidalaný kólemi tómendedi. 2020 jyldyń 4 aiynyń qorytyndysy boiynsha benzindi paidalaný kólemi ótken jyldyń uqsas kezeńine qaraǵanda 91 paiyzdy qurady. Biylǵy sáýir aiynda 222 myń tonna otyn jaǵyldy, bul kórsetkish aqpan aiyna qaraǵanda 30 paiyzǵa tómen (319,6 myń tonna)», - dedi vitse-ministr
