قر ەنەرگەتيكا ۆيتسە-مينيسترٸ ەسەت ماعاۋوۆ بيىل قازاقستاندا قانشا مۇناي ٶڭدەلەتٸنٸن ايتتى, دەپ حابارلايدى قازاقپارات.
«بٸزدە ٸشكٸ ٶڭدەۋ مۇناي ٶندٸرۋ كٶلەمٸمەن شارتتالماعان. مۇناي ٶڭدەۋ كٶلەمٸن بٸرٸنشٸ كەزەكتە ٸشكٸ نارىقتاعى سۇرانىس پەن ۇسىنىسقا قاراي قالىپتاستىرامىز. بولجام بويىنشا بيىلعا ٶڭدەۋ جوسپارى 17 ملن توننا كٶلەمٸندە بەلگٸلەندٸ», - ۆيتسە-مينيستر ورتالىق كوممۋنيكاتسييالار قىزمەتٸندە.
بۇدان بۇرىن حابارلانعانداي, ەسەت ماعاۋوۆ ەلٸمٸزدە بەنزينگە سۇرانىس تٶمەندەگەنٸن ايتتى.
«كٶپتەگەن ەلدەردە ٸندەتكە قارسى شارالاردى ەنگٸزۋگە قاتىستى جانار-جاعارمايدى پايدالانۋ كٶلەمٸ تٶمەندەدٸ. 2020 جىلدىڭ 4 ايىنىڭ قورىتىندىسى بويىنشا بەنزيندٸ پايدالانۋ كٶلەمٸ ٶتكەن جىلدىڭ ۇقساس كەزەڭٸنە قاراعاندا 91 پايىزدى قۇرادى. بيىلعى سەۋٸر ايىندا 222 مىڭ توننا وتىن جاعىلدى, بۇل كٶرسەتكٸش اقپان ايىنا قاراعاندا 30 پايىزعا تٶمەن (319,6 مىڭ توننا)», - دەدٸ ۆيتسە-مينيستر
