Sýret: inform.kz
Energetika ministri Almasadam Sátqaliev suiytylǵan gaz baǵasy kóteriletinin aitty, - dep habarlaidy Tengrinews.kz.
Úkimet otyrysy kýlýarynda jýrnalister saýalyna jaýap bergen ministr kólikterdi aýqymdy túrde qaita jaraqtandyrý jáne suiytylǵan munai gazyn paidalanýǵa kóshý kóptegen elde úrdiske ainalǵanyn atap ótti.
Ministrdiń aitýynsha, gaz óndirý aitarlyqtai shektelgen Qazaqstanda kompaniialar tapshylyqty jabý úshin jyl saiyn TShO-ǵa ótinish jasap, eksport aǵyndaryn ishki naryqqa baǵyttaýǵa májbúr. Bul ishki naryqtaǵy suiytylǵan gaz kóleminiń ulǵaiýyna jáne sáikesinshe baǵanyń ósýine ákeledi.
"Salystyrý úshin: Reseide baǵa eki ese joǵary, shamamen - 120 teńge, Tájikstanda - 177 teńge. Ol jerde naqty naryqtyq baǵa bar. Álemdik tájiribege súiene otyryp, kólikke otyn retinde suiytylǵan gazdy yntalandyrý úshin osy gaz artyq óndiriletin elder benzin baǵasynyń 70 paiyzdyq koeffitsientin qoldanady. Sonda bul - aqylǵa qonymdy ekonomikalyq mehanizm. Bizde alshaqtyq aitarlyqtai, al avtokólik júrgizýshileri baǵanyń ósýi yqtimal ekenin túsinýi kerek, gaz tapshylyǵyna jáne bolashaqta qymbatyraq gazdy importtaý nemese ishki naryqqa eksporttyq baǵamen gaz jetkizý qajettiligine bailanysty kóptegen ekonomikalyq faktorlar bar", - dep túsindirdi ministr úkimet kýlýarynda.
Degenmen, suiytylǵan gaz baǵasyn kóterý kezeń-kezeńimen jáne eldegi áleýmettik jaǵdaiǵa bailanysty bolýy kerek, dep esepteidi basqarma basshysy. Birinshi ósim shamaly bolýy múmkin, 5-10 teńge shamasynda, jaqyn arada.
"Men 70 teńgeden asatyn bastapqy qun týraly aittym, al qandai da bir rentabeldilik normasy rettelýi kerek. Bul jerde qalypty dep esepteletin halyqaralyq naryq qaitarymy týraly aityp otyrǵan joqpyz. Biz retteletin sektor úshin investitsiiany jáne aktsionerlerdiń qandai da bir tabystylyǵyn qamtamasyz etý úshin kiristiń keminde 5 paiyzy ózindik qunnan joǵary bolýy kerek ekenin aityp otyrmyz", - dep túiindedi sózin Almasadam Sátqaliev.
