Munai-gaz-himiia salasynda el ekonomikasyna 8,6 mlrd dollar investitsiia tartatyn 2 joba iske asyrylady. Bul týraly Úkimet otyrysynda QR Energetika ministri Maǵzum Myrzaǵaliev aitty, dep habarlaidy QazAqparat.
«Munai-gaz-himiia salasynda birqatar iri jobalardy, atap aitqanda polietilen jáne býtadien óndirisi boiynsha jobalardy iske asyrý josparlanýda», - dedi óńdeý ónerkásibin damytý týraly baiandaǵan ministr.
Onyń dereginshe, polietilen jobasy boiynsha búgingi tańda «SIBÝR» kompaniiasymen yntymaqtastyqtyń bazalyq sharttary boiynsha kelisimderge qol qoiyldy. Al býtadien jobasy boiynsha osy jyldyń mamyr aiynda «Tatneft» kompaniiasymen strategiialyq seriktes retinde jobany birlesip iske asyrý týraly kelisimge qol jetkizildi. Jobanyń tehnikalyq-ekonomikalyq negizdemesin ázirleý júrgizilýde.
«Bul jobalardy iske asyrý Qazaqstan ekonomikasyna shamamen 8,6 mlrd AQSh dollaryn tartýǵa múmkindik beredi», - dedi Maǵzum Myrzaǵaliev.
