مۇناي-گاز-حيمييا سالاسىندا ەل ەكونوميكاسىنا 8,6 ملرد دوللار ينۆەستيتسييا تارتاتىن 2 جوبا ٸسكە اسىرىلادى. بۇل تۋرالى ٷكٸمەت وتىرىسىندا قر ەنەرگەتيكا مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«مۇناي-گاز-حيمييا سالاسىندا بٸرقاتار ٸرٸ جوبالاردى, اتاپ ايتقاندا پوليەتيلەن جەنە بۋتاديەن ٶندٸرٸسٸ بويىنشا جوبالاردى ٸسكە اسىرۋ جوسپارلانۋدا», - دەدٸ ٶڭدەۋ ٶنەركەسٸبٸن دامىتۋ تۋرالى بايانداعان مينيستر.
ونىڭ دەرەگٸنشە, پوليەتيلەن جوباسى بويىنشا بٷگٸنگٸ تاڭدا «سيبۋر» كومپانيياسىمەن ىنتىماقتاستىقتىڭ بازالىق شارتتارى بويىنشا كەلٸسٸمدەرگە قول قويىلدى. ال بۋتاديەن جوباسى بويىنشا وسى جىلدىڭ مامىر ايىندا «تاتنەفت» كومپانيياسىمەن ستراتەگييالىق سەرٸكتەس رەتٸندە جوبانى بٸرلەسٸپ ٸسكە اسىرۋ تۋرالى كەلٸسٸمگە قول جەتكٸزٸلدٸ. جوبانىڭ تەحنيكالىق-ەكونوميكالىق نەگٸزدەمەسٸن ەزٸرلەۋ جٷرگٸزٸلۋدە.
«بۇل جوبالاردى ٸسكە اسىرۋ قازاقستان ەكونوميكاسىنا شامامەن 8,6 ملرد اقش دوللارىن تارتۋعا مٷمكٸندٸك بەرەدٸ», - دەدٸ ماعزۇم مىرزاعاليەۆ.
