UBT-nyń jańa formaty orta mektepterge "Altyn belgini" attestatsiia qorytyndysy boiynsha tapsyrýǵa quqyq beredi, - dep habarlaidy Tengrinews.kz tilshisi. Bul týraly ortalyq kommýnikatsiialar qyzmetindegi brifingte QR BǴM Mektepke deiingi jáne orta bilim berý departamentiniń direktory Jańyl Jontaeva málimdedi.
"Biz óz mektepterimizge, óz muǵalimderimizge senemiz. Orta bilim týraly attestatpen qatar, pedagogtar ujymy "Altyn belgi" men "Úzdik" attestattardy UBT-nyń nátijesimen bailanystyrmai, bere alatyn bolady. Árine, komissiialar jumys isteidi, bul komissiianyń quramyna qamqorshylyq keńes, qoǵamdyq uiymdar, ata-analar komiteti kiredi", - dedi Jańyl Jontaeva. Onyń aitýynsha, attestattar 15 maýsymǵa deiin beriledi.
Ol mektepterdegi qorytyndy attestatsiialaýdyń testileýden bir ereksheligi dep, metallizdegish qurylǵylardyń, týrniketterdiń jáne túlekterdi tekserýdiń basqa da ádisteri qoldanylmaitynyn atap ótti.
Eske salaiyq, ótken oqý jylynyń qorytyndysy boiynsha "Altyn belgi" iegeri atanǵan 2 208 túlektiń 45-i grantsyz qalyp qoiǵan bolatyn.
.jpeg)