Qazaqstan endi ózin-ózi qantpen júz paiyz qamtamasyz etedi. Bul týraly vitse-premer – saýda jáne integratsiia ministri Serik Jumanǵarin málimdedi, dep habarlaidy Sputnik Qazaqstan.
Onyń aitýynsha, elimizde 18,8%-ke jetken infliatsiiaǵa eń kóp úlesti qant (75%) qosqan. Qanttyń qymbattaýyna kóptegen faktor áser etti, sonyń ishinde Reseidiń eksportty toqtatýy da sebep.
Qant tapshylyǵyna jol bermes úshin Úkimet biyl ár óńirdi otandyq qant zaýyttarynyń birine bekitip bergen. Endi árbir óńir ainalym qarajatyn ózin qantpen qamtamasyz etýge baǵyttaýǵa tiis.
"Biyl biz elimizdi júz paiyz ózimizdiń qantpen qamtamasyz etemiz. Iá, ol quraq qant bolady, sebebi ázirge qyzylsha jetkiliksiz, biraq bul ózimizdiń qant bolady. Endi qant tapshylyǵy bolmaidy", - dep sendirdi Jumanǵarin Úkimet kýlýarynda.
Onyń aitýynsha, zaýyttan keletin baǵa kelisine 450 teńgeden aspaidy.
Eske salsaq, biyl jazda Qazaqstanda qant tapshylyǵyna bailanysty dúrbeleń týdy. Óńirlerde turǵyndar arasynda qantqa talas bastaldy. Ónim baǵasy aspandap ketti. Bólshek saýda dúkenderinde qanttyń bir kelisi myń teńgege deiin jetken.
