Almatylyq 25 jastaǵy Mádi Ahmetov Májilistiń eń jas depýtaty boldy. Biraq áleýmettik jelilerde qazaqstandyqtar onyń tym jas ekenin aityp, synǵa alyp jatyr. Depýtat Tengrinews.kz agenttigine bergen suhbatynda qazaqstandyqtardyń synyna jaýap berdi, dep habarlaidy "Ult aqparat".
"Sol jinalysta zalda jastar toby otyrdy, almatylyq jastar da, jasotandyqtar da boldy. Men olardyń atynan sóiledim. Sol kezde men "Jas Otannyń" tóraǵasy qyzmetinde bolǵan edim. Sondyqtan bul maǵan osy jastardyń atynan sóileýge múmkindik beredi. Meni búkil Qazaqstan atynan sóiledi degeni tym asyra aitylǵan", - deidi Ahmetov.
Osy rette jas depýtat oǵan osy qyzmetke kelýge bireýdiń kómekteskeni týraly pikirge jaýap berdi.
"Men ol jaqqa qandai da bir biznes-jobalar nemese qandai da bir zańdy alǵa tartyp, ony damytý úshin barmaimyn. Meni aǵashka nemese kókeshka qoldamaidy. Bul - zor jaýapkershilik. Men ol úshin bar bilimim men kúshimdi salamyn.
"Nur Otan" partiiasynda men - eń jas depýtatpyn, biraq meniń 30 jasqa deiingi áriptesterim bar. Mysaly, Ernur Beisenbaev, Vera Kim jáne basqalar. Biz bir-birimizdi qoldaimyz dep úmittenemin. Stereotipti ózgertý kerek. Sodan keiin biz "jastarǵa jol" deimiz, al jastar kelgende "ol tym jas" dep bastaimyz", - deidi depýtat.
Mádi Ahmetov jańa laýazymda qazaqstandyq jastardyń máselelerimen ainalysýdy josparlap otyr eken.
Mádi Ahmetov 1995 jyly 18 qyrkúiekte Almatyda dúniege kelgen. Ál-Farabi atyndaǵy Qazaq ulttyq ýniversitetin jýrnalistika fakýlteti boiynsha aiaqtaǵan. Májilis depýtaty laýazymyna taǵaiyndalǵanǵa deiin erikti bolǵan, "Jas Otan" Jastar qanatynyń Almaty qalalyq filialynyń tóraǵasy laýazymynda jumys istegen.
