Qazaqstandyqtardyń kóbi eńbek ónimdiligi tómen salalarda qyzmet etip júr. Mundai málimetti QR Premer-Ministri Álihan Smaiylov Májilis depýtattarynyń saýalyna bergen jaýabynda keltirdi, dep habarlaidy QazAqparat.
«Búgingi tańda jumyspen qamtylǵan halyqtyń kóbi aýyl sharýashylyǵy men qyzmet kórsetý siiaqty ónimdiligi tómen salalarda jumys isteidi. Muny elde eńbek ónimdiligi tómen, ailyq az tóleýge bolatyn jumys oryndary ashylyp jatqanymen bailanystyrýǵa bolady», - dep jazdy Úkimet basshysy óz jaýabynda.
Onyń aitýynsha, eldiń ekonomikasyndaǵy eńbek ónimdiligi 1 adamǵa shaqqanda 8,2 mln teńge bolyp otyr. Biraq aýyl sharýashylyǵynda bul kórsetkish 3,3 mln teńge, qyzmet kórsetý salasynda 6,8 mln teńge bolyp tur. Al qaita óńdeý salasynda 1 adamǵa shaqqandaǵy eńbek ónimdiligi 19,5 mln teńgege jetken.
«Ailyqtyń tómen bolýyna jumys kúshiniń biliktiligi tómen bolýy áser etýde. Osyǵan bailanysty jumys kúshiniń ónimdilik qabiletin arttyrý sharalary iske asyrylady. Al ol úshin ónimdiligi joǵary jumys oryndaryn kóptep ashyp, óńdeýshi salany jańa tehnologiialardy igerýge yntalandyrý qajet. Onyń áserinen birneshe tizbekke sozylyp, birneshe salany qatar damytady. Sonyń arqasynda aralas salalar damyp, import almastyrý, óndiristi tsifrlandyrý jáne avtomattandyrý sharalary jedeldeidi», - deidi Álihan Smaiylov.
