قازاقستاندىقتاردىڭ كٶبٸ ەڭبەك ٶنٸمدٸلٸگٸ تٶمەن سالالاردا قىزمەت ەتٸپ جٷر. مۇنداي مەلٸمەتتٸ قر پرەمەر-مينيسترٸ ەليحان سمايىلوۆ مەجٸلٸس دەپۋتاتتارىنىڭ ساۋالىنا بەرگەن جاۋابىندا كەلتٸردٸ, دەپ حابارلايدى قازاقپارات.
«بٷگٸنگٸ تاڭدا جۇمىسپەن قامتىلعان حالىقتىڭ كٶبٸ اۋىل شارۋاشىلىعى مەن قىزمەت كٶرسەتۋ سيياقتى ٶنٸمدٸلٸگٸ تٶمەن سالالاردا جۇمىس ٸستەيدٸ. مۇنى ەلدە ەڭبەك ٶنٸمدٸلٸگٸ تٶمەن, ايلىق از تٶلەۋگە بولاتىن جۇمىس ورىندارى اشىلىپ جاتقانىمەن بايلانىستىرۋعا بولادى», - دەپ جازدى ٷكٸمەت باسشىسى ٶز جاۋابىندا.
ونىڭ ايتۋىنشا, ەلدٸڭ ەكونوميكاسىنداعى ەڭبەك ٶنٸمدٸلٸگٸ 1 ادامعا شاققاندا 8,2 ملن تەڭگە بولىپ وتىر. بٸراق اۋىل شارۋاشىلىعىندا بۇل كٶرسەتكٸش 3,3 ملن تەڭگە, قىزمەت كٶرسەتۋ سالاسىندا 6,8 ملن تەڭگە بولىپ تۇر. ال قايتا ٶڭدەۋ سالاسىندا 1 ادامعا شاققانداعى ەڭبەك ٶنٸمدٸلٸگٸ 19,5 ملن تەڭگەگە جەتكەن.
«ايلىقتىڭ تٶمەن بولۋىنا جۇمىس كٷشٸنٸڭ بٸلٸكتٸلٸگٸ تٶمەن بولۋى ەسەر ەتۋدە. وسىعان بايلانىستى جۇمىس كٷشٸنٸڭ ٶنٸمدٸلٸك قابٸلەتٸن ارتتىرۋ شارالارى ٸسكە اسىرىلادى. ال ول ٷشٸن ٶنٸمدٸلٸگٸ جوعارى جۇمىس ورىندارىن كٶپتەپ اشىپ, ٶڭدەۋشٸ سالانى جاڭا تەحنولوگييالاردى يگەرۋگە ىنتالاندىرۋ قاجەت. ونىڭ ەسەرٸنەن بٸرنەشە تٸزبەككە سوزىلىپ, بٸرنەشە سالانى قاتار دامىتادى. سونىڭ ارقاسىندا ارالاس سالالار دامىپ, يمپورت الماستىرۋ, ٶندٸرٸستٸ تسيفرلاندىرۋ جەنە اۆتوماتتاندىرۋ شارالارى جەدەلدەيدٸ», - دەيدٸ ەليحان سمايىلوۆ.
