Frantsiia prezidenti Emmanýel Makronnyń koronavirýs infektsiiasyna tapsyrǵan testi oń nátije kórsetti, dep habarlaidy frantsýz prezidentiniń resmi saity.
Saittyń jazýyna qaraǵanda, 42 jastaǵy Frantsiia basshysy aýrýdyń «alǵashqy simptomdary baiqalǵan soń» test tapsyrǵan.
Aqparat quraldarynyń habarlaýynsha, ol «jeti kún oqshaýlanyp», «óz mindetin qashyqtan atqara bermek».
Frantsiia premer-ministri Jan Kastekstiń keńsesi úkimet basshysynyń boiynda Covid simptomdary baiqalmaitynyn, biraq ol jaqynda Makronmen kezdeskendikten, oqshaýlana turatynyn habarlady.
Kasteks búgin keshke Covid vaktsinasy boiynsha strategiiany talqylaý úshin senatqa barýy tiis bolǵan. Bul kezdesý ótpeitin boldy.
Frantsiia – Eýropada koronavirýs pandemiiasynan eń qatty zardap shekken elderdiń biri. Munda infektsiia juqtyrǵan 2,4 million adam tirkelgen, shamamen 60 myńdai adam kóz jumǵan.
Frantsiia prezidenti jaily aqparat shyǵa salysymen Ispaniia premer-ministri Pedro Sanches te 24 jeltoqsanǵa deiin karantinge ketetini habarlandy.
Sanches pen Makron 14 jeltoqsanda Parijde birge túski as ishken.
Makron keńsesi ázirge Frantsiia basshysynyń dertti qaidan juqtyrǵany týraly eshqandai boljam aitpady.
Frantsiianyń birinshi hanymy Brijit Makron oqshaýlanyp jatyr, biraq ázirge onyń da boiynan infektsiia belgileri baiqalmaǵan.
Britaniia premer-ministri Boris Djonson Emmanýel Makronǵa «tez saýyǵyp ket» dep týit jazdy.
Koronavirýs infektsiiasyn juqtyrǵan belgili saiasatkerler arasynda Britaniia premer-ministri Boris Djonson men AQSh prezidenti Donald Tramp bar. Olar aýrýhanaǵa jatqyzylsa da, qyzmetterin atqarýdy jalǵastyrǵan.
