فرانتسييا پرەزيدەنتٸ ەممانۋەل ماكروننىڭ كوروناۆيرۋس ينفەكتسيياسىنا تاپسىرعان تەستٸ وڭ نەتيجە كٶرسەتتٸ, دەپ حابارلايدى فرانتسۋز پرەزيدەنتٸنٸڭ رەسمي سايتى.
سايتتىڭ جازۋىنا قاراعاندا, 42 جاستاعى فرانتسييا باسشىسى اۋرۋدىڭ «العاشقى سيمپتومدارى بايقالعان سوڭ» تەست تاپسىرعان.
اقپارات قۇرالدارىنىڭ حابارلاۋىنشا, ول «جەتٸ كٷن وقشاۋلانىپ», «ٶز مٸندەتٸن قاشىقتان اتقارا بەرمەك».
فرانتسييا پرەمەر-مينيسترٸ جان كاستەكستٸڭ كەڭسەسٸ ٷكٸمەت باسشىسىنىڭ بويىندا Covid سيمپتومدارى بايقالمايتىنىن, بٸراق ول جاقىندا ماكرونمەن كەزدەسكەندٸكتەن, وقشاۋلانا تۇراتىنىن حابارلادى.
كاستەكس بٷگٸن كەشكە Covid ۆاكتسيناسى بويىنشا ستراتەگييانى تالقىلاۋ ٷشٸن سەناتقا بارۋى تيٸس بولعان. بۇل كەزدەسۋ ٶتپەيتٸن بولدى.
فرانتسييا – ەۋروپادا كوروناۆيرۋس پاندەميياسىنان ەڭ قاتتى زارداپ شەككەن ەلدەردٸڭ بٸرٸ. مۇندا ينفەكتسييا جۇقتىرعان 2,4 ميلليون ادام تٸركەلگەن, شامامەن 60 مىڭداي ادام كٶز جۇمعان.
فرانتسييا پرەزيدەنتٸ جايلى اقپارات شىعا سالىسىمەن يسپانييا پرەمەر-مينيسترٸ پەدرو سانچەس تە 24 جەلتوقسانعا دەيٸن كارانتينگە كەتەتٸنٸ حابارلاندى.
سانچەس پەن ماكرون 14 جەلتوقساندا پاريجدە بٸرگە تٷسكٸ اس ٸشكەن.
ماكرون كەڭسەسٸ ەزٸرگە فرانتسييا باسشىسىنىڭ دەرتتٸ قايدان جۇقتىرعانى تۋرالى ەشقانداي بولجام ايتپادى.
فرانتسييانىڭ بٸرٸنشٸ حانىمى بريجيت ماكرون وقشاۋلانىپ جاتىر, بٸراق ەزٸرگە ونىڭ دا بويىنان ينفەكتسييا بەلگٸلەرٸ بايقالماعان.
بريتانييا پرەمەر-مينيسترٸ بوريس دجونسون ەممانۋەل ماكرونعا «تەز ساۋىعىپ كەت» دەپ تۋيت جازدى.
كوروناۆيرۋس ينفەكتسيياسىن جۇقتىرعان بەلگٸلٸ ساياساتكەرلەر اراسىندا بريتانييا پرەمەر-مينيسترٸ بوريس دجونسون مەن اقش پرەزيدەنتٸ دونالد ترامپ بار. ولار اۋرۋحاناعا جاتقىزىلسا دا, قىزمەتتەرٸن اتقارۋدى جالعاستىرعان.
