Masa shaqqannan keiin kómekke júginip, Astana aýrýhanasynda ajal qushqan áielge qatysty politsiia tergeý jumystaryn bastady. Bul týraly QR Densaýlyq saqtaý ministri Eljan Birtanov málim etti, dep habarlaidy QazAqparat tilshisi.
«Qaitys bolǵan kisiniń týǵan-týystary men jaqyndaryna qaiǵyra kóńil aitamyn. Atalǵan jaǵdai boiynsha quqyq qorǵaý organdarymen, Densaýlyq saqtaý ministrligimen tergeý bastaldy. Men bul jaǵdaidy jiti baqylaýyma alamyn. Ókinishke qarai, anafilaktikalyq eseńgireýge eshkim tap bolmaidy deý qiyn. Biraq, kómek bekitilgen standarttarǵa sáikes tolyq aýqymda kórsetilýi kerek. Shynaiy turǵyda máseleni taldap, aqparatty usynatyn bolamyz», - dedi Facebook jazbasynyń astynda pikir qaldyrǵan Eljan Birtanov.
Aita ketsek, buǵan deiin QR Densaýlyq saqtaý vitse-ministri Lázzat Aqtaeva Astanada belgisiz shoktan júregi toqtap qalǵan áieldiń ólimine qatysty túsinik bergen bolatyn. «Jaqynda olar qala syrtyna saparlaǵan kórinedi, sol kezde ony bir jándik shaǵyp alǵan. Kóziniń mańynda isik paida bolǵannan keiin, ol birinshi qalalyq aýrýhanaǵa bardy. Algoritmge sáikes, dáriger allergiiaǵa qarsy preparattardy bergen. Sáikesinshe, osy preparattardy berý kezinde shoktyń belgileri baiqalǵan. Osy oraida naýqas ókpeni jasandy jeldetý apparatyna aýystyryldy. Bul jaǵdai saldarynan júrek toqtap, reanimatsiialy
Esterińizge sala keteiik, atalǵan áieldiń aýrýhanada kóz jumǵany týraly onyń qurbysy Feisbýktegi paraqshasynda jazǵan bolatyn. Onyń atap ótýinshe, 28 jastaǵy Maqpal Espenbetova elordadaǵy birinshi qalalyq aýrýhananyń kómegine júgingen.
