Densaýlyq saqtaý ministri Eljan Birtanov Qytaidaǵy jalpy sanitarlyq jaǵdai jaqsaryp kele jatqanyn málimdedi, dep habarlaidy QazAqparat.
«Qytaidaǵy 16 myńnan astam naýqas emdelip, aýrýhanalardan shyqty. Biraq ókinishtisi 2 121 naýqas koronavirýs infektsiiasynan qaitys boldy. Jalpy Qytai Halyq Respýblikasy boinynsha kúndelikti monitoring júrgizip otyrmyz. Kún saiyn jańa aýrýdyń qarqyny azaiyp kele jatyr. Kún saiyn tirkelgen naýqastar jóninde esep júrgizip otyrmyz. Jalpy Qytaidaǵy jalpy sanitarlyq jaǵdai jaqsardy dep aitýǵa bolady. Syrqat juqtyrǵandar sany tómendep keledi», - dedi Eljan Birtanov OKQ-da ótken baspasóz máslihatynda.
Ministrdiń aitýyna qaraǵanda álemniń 29 elinde koronavirýs infektsiiasyn juqtyrǵan naýqastar tirkelgen.
«Keshe túnde Iranda eki naýqas tirkeldi. Shetelde tirkelgenderdiń ishinde bes naýqas qaitys boldy. Biz basqa memleketterdegi koronavirýs infektsiiasynyń tirkelýin zerdelep otyrmyz. Bul másele Densaýlyq saqtaý ministrliginiń arnaiy shtaby men vedomstvoaralyq komisiiasynyń baqylaýda», - dedi ol.
