Zakon.kz basylymynyń Instagram-daǵy tikelei efirinde QR Densaýlyq saqtaý ministri koronavirýs infektsiiasyna bailanysty ózekti suraqtarǵa jaýap berdi, dep habarlaidy "Ult aqparat".
«Maskaǵa qatysty másele bar. Búgingi tańda maskany tek ózimizdiń eldegi zaýyttar men óndiristerden ǵana ala alamyz. Olardyń kúndelikti shyǵarǵan ónimi bir millionnan aspaidy. 250-300 myńǵa jýyq meditsinalyq maska farmatsevtikalyq zaýyttarda shyǵarylady. Qalǵan maskalardy jeke menshik kompaniialar tigedi. Jalpy alǵanda bir táýlikte bir million maska óndiriledi. Biraq maskany qoldaný budan eki-úsh ese kóp. Osyǵan bailanysty qytai óndirýshilerimen kelistik. Biz 5 mln maskany importtaý týraly kelisimge qol qoidyq. Ókinishke qarai, Qytaida logistika túbegeili ashylǵan joq. Aldaǵy aptada jetkiziledi dep otyrmyz. Sondai-aq, «Birgemiz» qory arqyly halyqtyń osal tobyna beriledi. Olar - dertke shaldyqqan, aiaǵy aýyr áielder nemese balalar siiaqty maskaǵa muqtaj adamdar», - deidi Birtanov.
Onyń aitýynsha, maska jetispegen jaǵdaida negizgi bóligi aýrýhanalarǵa jetkiziledi.
«Eger dárigerlerdi qorǵamasaq, olar aýyryp qalsa - qalǵandaryn emdeitin eshkim qalmaidy. Damyǵan memleketter maska, sonyń ishinde dákeden maska tige bastady. Biz budan eshqandai oǵashtyq kórmeimiz. Bul - ár otbasy, uiym, eldiń sanaly áreketi. Jaǵdaiǵa beiimdelip, ómir súrý kerek. Ótken ǵasyrda qazirgidei qurylǵylar bolmasa da meditsina budan zorǵy infektsiialardy jeńgen. Marliden maskany ońai tigýge bolady jáne ony zalalsyzdandyrýǵa bolady. Sondyqtan da jalǵyz jol - maskany ózimiz tigý», - deidi ol.
