Zakon.kz باسىلىمىنىڭ Instagram-داعى تٸكەلەي ەفيرٸندە قر دەنساۋلىق ساقتاۋ مينيسترٸ كوروناۆيرۋس ينفەكتسيياسىنا بايلانىستى ٶزەكتٸ سۇراقتارعا جاۋاپ بەردٸ, دەپ حابارلايدى "ۇلت اقپارات".
«ماسكاعا قاتىستى مەسەلە بار. بٷگٸنگٸ تاڭدا ماسكانى تەك ٶزٸمٸزدٸڭ ەلدەگٸ زاۋىتتار مەن ٶندٸرٸستەردەن عانا الا الامىز. ولاردىڭ كٷندەلٸكتٸ شىعارعان ٶنٸمٸ بٸر ميلليوننان اسپايدى. 250-300 مىڭعا جۋىق مەديتسينالىق ماسكا فارماتسەۆتيكالىق زاۋىتتاردا شىعارىلادى. قالعان ماسكالاردى جەكە مەنشٸك كومپانييالار تٸگەدٸ. جالپى العاندا بٸر تەۋلٸكتە بٸر ميلليون ماسكا ٶندٸرٸلەدٸ. بٸراق ماسكانى قولدانۋ بۇدان ەكٸ-ٷش ەسە كٶپ. وسىعان بايلانىستى قىتاي ٶندٸرۋشٸلەرٸمەن كەلٸستٸك. بٸز 5 ملن ماسكانى يمپورتتاۋ تۋرالى كەلٸسٸمگە قول قويدىق. ٶكٸنٸشكە قاراي, قىتايدا لوگيستيكا تٷبەگەيلٸ اشىلعان جوق. الداعى اپتادا جەتكٸزٸلەدٸ دەپ وتىرمىز. سونداي-اق, «Birgemiz» قورى ارقىلى حالىقتىڭ وسال توبىنا بەرٸلەدٸ. ولار - دەرتكە شالدىققان, اياعى اۋىر ەيەلدەر نەمەسە بالالار سيياقتى ماسكاعا مۇقتاج ادامدار», - دەيدٸ بٸرتانوۆ.
ونىڭ ايتۋىنشا, ماسكا جەتٸسپەگەن جاعدايدا نەگٸزگٸ بٶلٸگٸ اۋرۋحانالارعا جەتكٸزٸلەدٸ.
«ەگەر دەرٸگەرلەردٸ قورعاماساق, ولار اۋىرىپ قالسا - قالعاندارىن ەمدەيتٸن ەشكٸم قالمايدى. دامىعان مەملەكەتتەر ماسكا, سونىڭ ٸشٸندە دەكەدەن ماسكا تٸگە باستادى. بٸز بۇدان ەشقانداي وعاشتىق كٶرمەيمٸز. بۇل - ەر وتباسى, ۇيىم, ەلدٸڭ سانالى ەرەكەتٸ. جاعدايعا بەيٸمدەلٸپ, ٶمٸر سٷرۋ كەرەك. ٶتكەن عاسىردا قازٸرگٸدەي قۇرىلعىلار بولماسا دا مەديتسينا بۇدان زورعى ينفەكتسييالاردى جەڭگەن. مارلٸدەن ماسكانى وڭاي تٸگۋگە بولادى جەنە ونى زالالسىزداندىرۋعا بولادى. سوندىقتان دا جالعىز جول - ماسكانى ٶزٸمٸز تٸگۋ», - دەيدٸ ول.
