Eljan Birtanov densaýlyq saqtaý ministri bolyp taǵaiyndaldy, - dep habarlaidy "Ult aqparat" Aqordaǵa silteme jasap.
"Eljan Amantaiuly Birtanov Qazaqstan Respýblikasynyń Densaýlyq saqtaý ministri bolyp taǵaiyndalsyn", - delingen Jarlyqta.
Aita keteiik, Birtanov 2015 jyldyń 12 qarashasynan beri QR Densaýlyq saqtaý jáne áleýmettik damý vitse-ministri bolyp qyzmet atqarǵan edi. Bul qyzmetine deiin ol "Memlekettik-jeke menshik seriktestik jobalaryn súiemeldeý ortalyǵy" JShS Basqarma basshysy qyzmetin atqarǵan bolatyn.
Eljan Birtanov 1971 jyldyń 18 qazanynda Taraz qalasynda dúniege kelgen. Ol Almaty meditsinalyq institýtynda, Arizona shtatynyń ýniversitetinde, Resei meditsinalyq diplomnan keiingi bilim akademiiasynda, Sharite ýniversitettik klinikasynda (Germaniia), Turan ýniversitetinde, Duke University, Fuqua School of Business (AQSh), Global Executive MBA magistratýrasynda bilim alǵan.
Ol Almaty qalasyndaǵy jedel meditsinalyq kómek kórsetý emhanasynyń dáriger-reanimatology, Respýblikalyq toksikologiia ortalyǵynyń jetekshisi, QR Densaýlyq saqtaý ministrliginiń bas toksikologi, QR Densaýlyq saqtaý ministrligi "Densaýlyq saqtaý salasyn damytý institýty" RMM direktory, QR Premer-ministriniń keńesshisi, "Ulttyq meditsinalyq holding" AQ Basqarma basshysynyń orynbasary, QR Densaýlyq saqtaý vitse-ministri, sondai-aq, "Ulttyq meditsinalyq holding" AQ Basqarma basshysy qyzmetterin atqarǵan. 2014 jyldyń mamyr aiynda Memlekettik-jeke menshik seriktestik jobalaryn súiemeldeý ortalyǵynyń Basqarma basshysy bolyp taǵaiyndalǵan bolatyn. Qazaqstan Respýblikasy densaýlyq saqtaý isiniń úzdigi. Meditsina ǵylymdarynyń doktory.
.jpeg)