Qańtar oqiǵasyna bailanysty tergep-tekserý qorytyndysy boiynsha ákimshilik aiyppul taǵaiyndalǵandardyń ishinde zeinetkerler men jumyssyzdar, múmkindigi shekteýli adamdar bar. Bul týraly Adam quqyqtary jónindegi ýákil Elvira Ázimova «Habar-24» telearnasynda ótken brifingide aitty, dep habarlaidy QazAqparat.
«Buqaralyq aqparat quraldary men Prokýratýraǵa málimdeme jasaýǵa bel býǵan azamattardy qýdalaý men qysym kórsetýdi boldyrmaý kerek. Prokýratýranyń BAQ pen áleýmettik jelide rezonans týdyrǵan barlyq ótinishterge jedel jaýap berýi óte mańyzdy. Protsestik áreketterdi júrgizý kezinde qatygezdikpen qaraý, advokattardyń bolmaýy, psihologiialyq qysym kórsetý jáne basqa da buzýshylyqtar týraly habarlamalardy sot ókilderi men prokýrorlar eskerýge tiis», - degen Adam quqyqtary jónindegi ýákil ákimshilik jaza týraly shyǵarylǵan sot sheshimderin de súzgiden ótkizý kerektigin jetkizdi.
«Bas Prokýratýranyń 25 qańtardaǵa habarlamasynda qańtar oqiǵalaryna bailanysty 9257 ákimshilik istiń qaralǵany týraly habarlady. Onyń jartysy qandai da bir jaza qoldanylmai qaraldy. 4584 adamǵa sot eskertý shyǵardy. Ákimshilik aiyp taǵaiyndalýyna bailanysty maǵan júgingen azamattardyń keibireýi zeinetkerler, jumyssyzdar, múgedektigi bar adamdar nemese basqa da áleýmettik osal toptar sanatyna jatady», - dedi Elvira Ázimova.
