قاڭتار وقيعاسىنا بايلانىستى تەرگەپ-تەكسەرۋ قورىتىندىسى بويىنشا ەكٸمشٸلٸك ايىپپۇل تاعايىندالعانداردىڭ ٸشٸندە زەينەتكەرلەر مەن جۇمىسسىزدار, مٷمكٸندٸگٸ شەكتەۋلٸ ادامدار بار. بۇل تۋرالى ادام قۇقىقتارى جٶنٸندەگٸ ۋەكٸل ەلۆيرا ەزٸموۆا «حابار-24» تەلەارناسىندا ٶتكەن بريفينگٸدە ايتتى, دەپ حابارلايدى قازاقپارات.
«بۇقارالىق اقپارات قۇرالدارى مەن پروكۋراتۋراعا مەلٸمدەمە جاساۋعا بەل بۋعان ازاماتتاردى قۋدالاۋ مەن قىسىم كٶرسەتۋدٸ بولدىرماۋ كەرەك. پروكۋراتۋرانىڭ باق پەن ەلەۋمەتتٸك جەلٸدە رەزونانس تۋدىرعان بارلىق ٶتٸنٸشتەرگە جەدەل جاۋاپ بەرۋٸ ٶتە ماڭىزدى. پروتسەستٸك ەرەكەتتەردٸ جٷرگٸزۋ كەزٸندە قاتىگەزدٸكپەن قاراۋ, ادۆوكاتتاردىڭ بولماۋى, پسيحولوگييالىق قىسىم كٶرسەتۋ جەنە باسقا دا بۇزۋشىلىقتار تۋرالى حابارلامالاردى سوت ٶكٸلدەرٸ مەن پروكۋرورلار ەسكەرۋگە تيٸس», - دەگەن ادام قۇقىقتارى جٶنٸندەگٸ ۋەكٸل ەكٸمشٸلٸك جازا تۋرالى شىعارىلعان سوت شەشٸمدەرٸن دە سٷزگٸدەن ٶتكٸزۋ كەرەكتٸگٸن جەتكٸزدٸ.
«باس پروكۋراتۋرانىڭ 25 قاڭتارداعا حابارلاماسىندا قاڭتار وقيعالارىنا بايلانىستى 9257 ەكٸمشٸلٸك ٸستٸڭ قارالعانى تۋرالى حابارلادى. ونىڭ جارتىسى قانداي دا بٸر جازا قولدانىلماي قارالدى. 4584 ادامعا سوت ەسكەرتۋ شىعاردى. ەكٸمشٸلٸك ايىپ تاعايىندالۋىنا بايلانىستى ماعان جٷگٸنگەن ازاماتتاردىڭ كەيبٸرەۋٸ زەينەتكەرلەر, جۇمىسسىزدار, مٷگەدەكتٸگٸ بار ادامدار نەمەسە باسقا دا ەلەۋمەتتٸك وسال توپتار ساناتىنا جاتادى», - دەدٸ ەلۆيرا ەزٸموۆا.
