Adam quqyqtary jónindegi ýákil Elvira Ázimova Bas prokýratýradan qańtardaǵy tártipsizdikterge qatysy bar degen kúdikpen kúzetpen ustalyp otyrǵan jaralylardy bultartpaý sharasyn jeńildetýdi surady dep habarlaidy QazAqparat.
«25 qańtarda is materialdaryn tekserý nátijeleri boiynsha prokýrorlardyń qaýlylary negizinde 11 azamat Almaty qalasynyń tergeý izoliatorynan bosatyldy. Bas prokýratýradan kúzetpen ustalyp otyrǵan azamattarǵa taǵylǵan aiyptardy, sonyń ishinde densaýlyq jaǵdailaryn eskere otyryp, bultartpaý sharasyn alyp tastaýdyń nemese ózgertýdiń zańdylyǵy men múmkindigi bóliginde tekserý júrgizýdi jalǵastyrýdy suraimyz», - degen ýákil zqoldanystaǵy zańnamada onyń birneshe joly bar ekenin eske saldy.
«Zańnamada bas bostandyǵyn shekteý ornyna eshqaida ketpeý týraly qolhat, úiqamaq jáne kepilgerlik siiaqty balamaly bultartpaý sharalary kózdelgen», -dedi Adam quqyqtary jónindegi ýákil.
