ادام قۇقىقتارى جٶنٸندەگٸ ۋەكٸل ەلۆيرا ەزٸموۆا باس پروكۋراتۋرادان قاڭتارداعى تەرتٸپسٸزدٸكتەرگە قاتىسى بار دەگەن كٷدٸكپەن كٷزەتپەن ۇستالىپ وتىرعان جارالىلاردى بۇلتارتپاۋ شاراسىن جەڭٸلدەتۋدٸ سۇرادى دەپ حابارلايدى قازاقپارات.
«25 قاڭتاردا ٸس ماتەريالدارىن تەكسەرۋ نەتيجەلەرٸ بويىنشا پروكۋرورلاردىڭ قاۋلىلارى نەگٸزٸندە 11 ازامات الماتى قالاسىنىڭ تەرگەۋ يزولياتورىنان بوساتىلدى. باس پروكۋراتۋرادان كٷزەتپەن ۇستالىپ وتىرعان ازاماتتارعا تاعىلعان ايىپتاردى, سونىڭ ٸشٸندە دەنساۋلىق جاعدايلارىن ەسكەرە وتىرىپ, بۇلتارتپاۋ شاراسىن الىپ تاستاۋدىڭ نەمەسە ٶزگەرتۋدٸڭ زاڭدىلىعى مەن مٷمكٸندٸگٸ بٶلٸگٸندە تەكسەرۋ جٷرگٸزۋدٸ جالعاستىرۋدى سۇرايمىز», - دەگەن ۋەكٸل زقولدانىستاعى زاڭنامادا ونىڭ بٸرنەشە جولى بار ەكەنٸن ەسكە سالدى.
«زاڭنامادا باس بوستاندىعىن شەكتەۋ ورنىنا ەشقايدا كەتپەۋ تۋرالى قولحات, ٷيقاماق جەنە كەپٸلگەرلٸك سيياقتى بالامالى بۇلتارتپاۋ شارالارى كٶزدەلگەن», -دەدٸ ادام قۇقىقتارى جٶنٸندەگٸ ۋەكٸل.
