Foto: Maksim Morozov, inbusiness.kz
Ýkraina shekarasynan ótip, Polshaǵa jetken bir top Qazaqstan azamaty elge oraldy. Bul - elimizdiń syrtqy ister ministrliginiń qazaqstandyqtardy evakýatsiialaýdaǵy ekinshi legi. Ýkrainadan elge aman-saý oralǵandardyń qatarynda Janar Qadyrbekova da bar. Elorda áýejaiynan túse sala jerlesimiz óz áserimen bólisti, dep habarlaidy QazAqparat.
«Kievke emdelýge barǵanbyz, protez saldyrmaq bolyp. Tisimdi emdetip bolǵannan keiin bizge elge qaitatyndar elshilikke jinalý kerek degen habar jettik. Baqytymyzǵa qarai, taksi tez tabyldy. Jaishylyqta 300 griven suraityn taksistke 1000 griven berip, tez jetkizýin suradyq. Bizdi aman saý elshilikke apardy. Elshilikke jetkende úiimizge kelgendei boldyq. Keýdemdi maqtanysh kernedi», - dedi Janar Qadyrbekova.
Onyń aitýynsha, Qazaqstannyń Ýkrainadaǵy elshiliginiń qyzmetkerleri otandastarymyzǵa kómektesip, únemi bailanysta bolǵan.
«Elshilik qyzmetkerleri kúni, túni kómektesti. Ýkraina halqy óte qaiyrymdy, ashyq jandar. Ýkraindyqtarǵa beibit zaman tileimin. Árine, jol aýyrǵa soqty. Táýligine 90 shaqyrym jol júrdik. Jergilikti halyq tamaǵyn usynyp, shaiǵa deiin berdi», - deidi ol.
