فوتو: ماكسيم موروزوۆ, inbusiness.kz
ۋكراينا شەكاراسىنان ٶتٸپ, پولشاعا جەتكەن بٸر توپ قازاقستان ازاماتى ەلگە ورالدى. بۇل - ەلٸمٸزدٸڭ سىرتقى ٸستەر مينيسترلٸگٸنٸڭ قازاقستاندىقتاردى ەۆاكۋاتسييالاۋداعى ەكٸنشٸ لەگٸ. ۋكراينادان ەلگە امان-ساۋ ورالعانداردىڭ قاتارىندا جانار قادىربەكوۆا دا بار. ەلوردا ەۋەجايىنان تٷسە سالا جەرلەسٸمٸز ٶز ەسەرٸمەن بٶلٸستٸ, دەپ حابارلايدى قازاقپارات.
«كيەۆكە ەمدەلۋگە بارعانبىز, پروتەز سالدىرماق بولىپ. تٸسٸمدٸ ەمدەتٸپ بولعاننان كەيٸن بٸزگە ەلگە قايتاتىندار ەلشٸلٸككە جينالۋ كەرەك دەگەن حابار جەتتٸك. باقىتىمىزعا قاراي, تاكسي تەز تابىلدى. جايشىلىقتا 300 گريۆەن سۇرايتىن تاكسيستكە 1000 گريۆەن بەرٸپ, تەز جەتكٸزۋٸن سۇرادىق. بٸزدٸ امان ساۋ ەلشٸلٸككە اپاردى. ەلشٸلٸككە جەتكەندە ٷيٸمٸزگە كەلگەندەي بولدىق. كەۋدەمدٸ ماقتانىش كەرنەدٸ», - دەدٸ جانار قادىربەكوۆا.
ونىڭ ايتۋىنشا, قازاقستاننىڭ ۋكرايناداعى ەلشٸلٸگٸنٸڭ قىزمەتكەرلەرٸ وتانداستارىمىزعا كٶمەكتەسٸپ, ٷنەمٸ بايلانىستا بولعان.
«ەلشٸلٸك قىزمەتكەرلەرٸ كٷنٸ, تٷنٸ كٶمەكتەستٸ. ۋكراينا حالقى ٶتە قايىرىمدى, اشىق جاندار. ۋكرايندىقتارعا بەيبٸت زامان تٸلەيمٸن. ەرينە, جول اۋىرعا سوقتى. تەۋلٸگٸنە 90 شاقىرىم جول جٷردٸك. جەرگٸلٸكتٸ حالىق تاماعىن ۇسىنىپ, شايعا دەيٸن بەردٸ», - دەيدٸ ول.
