Jańa ǵana Polsha arqyly Ýkrainada júrgen bir top qazaqstandyq elordaǵa ushyp keldi. Sonyń biri - Aslan Hastaev. Elge aman-saý jetken jerlesimiz alǵashqy áserin bólisti, dep habarlaidy QazAqparat.
«Ýkrainaǵa jumys babymen barǵanmyn. Ózim Qazaqstanda Shý qalasynda turamyn. Ýkraindar - óte jyly halyq, qiyn sátte qoldaý kórsetti. Bizdi aman saý elge ákelgen Úkimetke alǵys. Ýkraina shekarasynda 30 avtobýs adam, eki kún boiy shekara kezeginde turdyq. Men Dnepropetrovsk qalasynda boldym, ol jerden Lvovqa jettim. Odan ári bizdi elshilik ókilderi avtobýspen jetkizdi», - deidi Aslan Hastaev.
Sóz arasynda jerlesimiz adamnyń kez kelgen ýaqytta tótenshe jaǵdaiǵa tap bolatynyn aitty.
«Meniń baqytyma orai, áleýmettik jelidegi chat arqyly kútpegen jerden taksi tabyldy. Lvovqa deiin 455 dollar aldy. Bastysy - elge jettik, elshilik qyzmetkerleri únemi bailanysta boldy. Qazir 1 saǵattan soń poiyz keledi, maǵan vokzalǵa jetip úlgerý kerek», - deidi ol.
Buǵan deiin habarlaǵanymyzdai, Ýkrainadaǵy Qazaqstan azamattarynyń ekinshi legi elordaǵa keldi.
Olar Polshanyń Katovitse qalasynan Atyraýǵa, odan ári el astanasyna jetti. Bortta 120 eresek jáne 4 bala bar.
Elge aman saý jetken otandastarymyzdy elorda jurty qýanyshpen qarsy aldy.
Aita keteiik, elimizdiń Cyrtqy ister ministrligi qazaqstandyq azamattardy Ýkrainadan otanyna qaitarý jumysyn jalǵastyryp jatyr.
