جاڭا عانا پولشا ارقىلى ۋكراينادا جٷرگەن بٸر توپ قازاقستاندىق ەلورداعا ۇشىپ كەلدٸ. سونىڭ بٸرٸ - اسلان حاستاەۆ. ەلگە امان-ساۋ جەتكەن جەرلەسٸمٸز العاشقى ەسەرٸن بٶلٸستٸ, دەپ حابارلايدى قازاقپارات.
«ۋكرايناعا جۇمىس بابىمەن بارعانمىن. ٶزٸم قازاقستاندا شۋ قالاسىندا تۇرامىن. ۋكرايندار - ٶتە جىلى حالىق, قيىن سەتتە قولداۋ كٶرسەتتٸ. بٸزدٸ امان ساۋ ەلگە ەكەلگەن ٷكٸمەتكە العىس. ۋكراينا شەكاراسىندا 30 اۆتوبۋس ادام, ەكٸ كٷن بويى شەكارا كەزەگٸندە تۇردىق. مەن دنەپروپەتروۆسك قالاسىندا بولدىم, ول جەردەن لۆوۆقا جەتتٸم. ودان ەرٸ بٸزدٸ ەلشٸلٸك ٶكٸلدەرٸ اۆتوبۋسپەن جەتكٸزدٸ», - دەيدٸ اسلان حاستاەۆ.
سٶز اراسىندا جەرلەسٸمٸز ادامنىڭ كەز كەلگەن ۋاقىتتا تٶتەنشە جاعدايعا تاپ بولاتىنىن ايتتى.
«مەنٸڭ باقىتىما وراي, ەلەۋمەتتٸك جەلٸدەگٸ چات ارقىلى كٷتپەگەن جەردەن تاكسي تابىلدى. لۆوۆقا دەيٸن 455 دوللار الدى. باستىسى - ەلگە جەتتٸك, ەلشٸلٸك قىزمەتكەرلەرٸ ٷنەمٸ بايلانىستا بولدى. قازٸر 1 ساعاتتان سوڭ پويىز كەلەدٸ, ماعان ۆوكزالعا جەتٸپ ٷلگەرۋ كەرەك», - دەيدٸ ول.
بۇعان دەيٸن حابارلاعانىمىزداي, ۋكرايناداعى قازاقستان ازاماتتارىنىڭ ەكٸنشٸ لەگٸ ەلورداعا كەلدٸ.
ولار پولشانىڭ كاتوۆيتسە قالاسىنان اتىراۋعا, ودان ەرٸ ەل استاناسىنا جەتتٸ. بورتتا 120 ەرەسەك جەنە 4 بالا بار.
ەلگە امان ساۋ جەتكەن وتانداستارىمىزدى ەلوردا جۇرتى قۋانىشپەن قارسى الدى.
ايتا كەتەيٸك, ەلٸمٸزدٸڭ Cىرتقى ٸستەر مينيسترلٸگٸ قازاقستاندىق ازاماتتاردى ۋكراينادان وتانىنا قايتارۋ جۇمىسىن جالعاستىرىپ جاتىر.
