Astanada jańa diplomatiialyq qalashyq salynýda. Bul týraly búgin Aqordada Qazaqstanda tirkelgen diplomatiialyq missiialar men halyqaralyq uiymdardyń basshylarymen kezdesý barysynda Elbasy Nursultan Nazarbaev aitty, dep habarlaidy QazAqparat tilshisi.
«Búginde barlyq diplomattyń memlekettik jumysy balalarymyzdyń, nemerelerimizdiń jaily ǵalamsharda, qolaily jaǵdaida ómir súrýlerine baǵyttalǵan. Sondyqtan sizderdiń Qazaqstandaǵy jumystaryńyz óte mańyzdy dep esepteimin. Sizder óz elderińiz ben Qazaqstannyń qarym-qatynasyn nyǵaitý úshin jumys isteisizder, sol úshin taǵy bir márte alǵysymdy bildiremin. Sizderge zor qurmetpen qaraimyz», - dep atap ótti Prezident.
Sonymen qatar Memleket basshysy sheteldik elshiler úshin elordada jańa diplomatiialyq qalashyq qurylysy bastalǵanyn atap ótti.
«Aǵymdaǵy jyly elshilerimiz úshin barynsha jaqsy jaǵdai jasaý, qaýipsizdigin qamtamasyz etý úshin arnaiy diplomatiialyq qalashyq qurylysyn bastadyq. Menińshe, kelesi jyly biz ony aiaqtaityn bolamyz. Ol elordanyń qolaily jerinde ornalasady», - dep atap ótti Nursultan Nazarbaev.
