استانادا جاڭا ديپلوماتييالىق قالاشىق سالىنۋدا. بۇل تۋرالى بٷگٸن اقوردادا قازاقستاندا تٸركەلگەن ديپلوماتييالىق ميسسييالار مەن حالىقارالىق ۇيىمداردىڭ باسشىلارىمەن كەزدەسۋ بارىسىندا ەلباسى نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
«بٷگٸندە بارلىق ديپلوماتتىڭ مەملەكەتتٸك جۇمىسى بالالارىمىزدىڭ, نەمەرەلەرٸمٸزدٸڭ جايلى عالامشاردا, قولايلى جاعدايدا ٶمٸر سٷرۋلەرٸنە باعىتتالعان. سوندىقتان سٸزدەردٸڭ قازاقستانداعى جۇمىستارىڭىز ٶتە ماڭىزدى دەپ ەسەپتەيمٸن. سٸزدەر ٶز ەلدەرٸڭٸز بەن قازاقستاننىڭ قارىم-قاتىناسىن نىعايتۋ ٷشٸن جۇمىس ٸستەيسٸزدەر, سول ٷشٸن تاعى بٸر مەرتە العىسىمدى بٸلدٸرەمٸن. سٸزدەرگە زور قۇرمەتپەن قارايمىز», - دەپ اتاپ ٶتتٸ پرەزيدەنت.
سونىمەن قاتار مەملەكەت باسشىسى شەتەلدٸك ەلشٸلەر ٷشٸن ەلوردادا جاڭا ديپلوماتييالىق قالاشىق قۇرىلىسى باستالعانىن اتاپ ٶتتٸ.
«اعىمداعى جىلى ەلشٸلەرٸمٸز ٷشٸن بارىنشا جاقسى جاعداي جاساۋ, قاۋٸپسٸزدٸگٸن قامتاماسىز ەتۋ ٷشٸن ارنايى ديپلوماتييالىق قالاشىق قۇرىلىسىن باستادىق. مەنٸڭشە, كەلەسٸ جىلى بٸز ونى اياقتايتىن بولامىز. ول ەلوردانىڭ قولايلى جەرٸندە ورنالاسادى», - دەپ اتاپ ٶتتٸ نۇرسۇلتان نازارباەۆ.
