Elordada qala turǵyndarynyń qozǵalysyn barynsha jaily jasaý úshin keibir kóshe demalys kúni jabyq bolady. Bul týraly búgin qala turǵyndarymen esep berý kezdesýinde elorda ákimi Altai Kólginov aitty, dep habarlaidy "Ult aqparat".
«Biz jeksenbide, demalys kúnderi Nur-Sultan turǵyndarynyń qozǵalysyn barynsha jaily jasaý úshin keibir kóshelerdi jabýdy josparlap otyrmyz. Onda adamdar erkin serýendep, balalar oiyn oinaidy, sportpen ainalysa alady. Árine, oǵan shaǵyn jáne orta biznes, onyń ishinde qoǵamdyq tamaqtaný oryndary da qatysady. Eger kóńilden shyǵar ideia bolsa, onda biz ony kez kelgen ýaqytta qoldaimyz», - dedi Altai Kólginov.
Onyń aitýynsha, ótken jyly 173 kóshege asfalt tóseldi. Olardyń 100-den astamy turǵyn alaptarynda ornalasqan. Bul jumys biyl da jalǵasyp, turǵyn alaptary men qalanyń eski bóligine basymdyq beriledi.
