Elordanyń birqatar kóshesinde aqyly kólik turaqtaryn ashý josparlanǵan. Bul jaiynda «Astananyń turaq keńistigi» JShS-niń basshysy Shyńǵys Dosybaev aitty, dep habarlaidy QazAqparat.
«Memlekettik-jekeshelik seriktestik aiasynda 10 myń aqyly turaqty ashýdy josparlaǵan edik. Búginde onyń 487-si Nurjol jelek jolynda ashýǵa daiyn tur. Munan bólek, Saryarqa aýdanynyń Bógenbai batyr, Respýblika dańǵyldarynda, jaǵalaý men Saryarua dańǵylynda da qosymsha oryndar iske qosýǵa daiyn», - dedi ol Nur-Sultan qalalyq qoǵamdyq keńesiniń otyrysynda.
Onyń atap ótýinshe, Almaty aýdanynda aqyly turaqtar Táýelsizdik dańǵylynda, Muńaitasov, Jumabaev, Momyshuly kóshelerinde ashylady.
«Al Baiqońyr aýdanynda «Astanalyq», «Shapaǵat», «Ásem» bazarlary aýdanynda ǵana ashýǵa daiynbyz. Sol jaǵalaýda Syǵanaq, Saraishyq, Máńgilik el, Turan kóshelerin qarastyryp otyrmyz. Jalpy, atalǵan aýdandardaǵy jańa aqyly turaq oryndary – 5 myń. Nurjol jiek jolynda jumys istep turǵan 500 oryndy qossaq, aqyly turaqtardyń sany 5 500 jetedi», - dedi Shyńǵys Dosybaev.
