Nur-Sultannyń bas sanitarlyq dárigeri Sádýaqas Baiǵabylov óz erkimen qyzmetinen ketti, – dep habarlaidy «Ult aqparat».
«BAQ-qa, aqparat agenttikterine, jýrnalisterge, tilshilerge, telearnalarǵa birlesip belsendi jumys atqarǵanymyz úshin alǵys aitamyn. Facebook áleýmettik jelisindegi «Astana, hochý pohvastat/pojalovatsia» jáne «Astana - Chto? Gde? Kogda?» toptaryna, sondai-aq elorda turǵyndaryna Sapany baqylaý jáne taýarlar men qyzmetter qaýipsizdigi departamentiniń atyna jazylǵan shaǵymdary men ystyq lebizderi úshin raqmet aitamyn» dep túsindirdi Sádýaqas Baiǵabylov otstavkasyn.
Onyń aitýynsha, áleýmettik jeliler qazaqstandyqtardyń qoǵamdyq-saiasi ómirine berik kirigip, kóptegen máselelerdi sheshýde jáne olardy jetkizýde shynaiy qural bolyp otyr.
«Sondyqtan, memlekettik organ basshylary Sapany baqylaý jáne taýarlar men qyzmetter qaýipsizdigi departamenti sekildi Memleket basshysynyń synyna qalmai, aqparattyq keńistikti belsendi qoldana otyryp, áleýmettik jelilerdegi shaǵymdar men jazbalarǵa shuǵyl nazar aýdary tiis», - dep atap ótti elordanyń burynǵy bas sanitarlyq dárigeri. «Árbir memlekettik qyzmetshi qandai laýazymda otyrǵanyna qaramastan, Memlekettik basshysynyń synyna ushyrasa, otstavkaǵa ketýi qajet» dep túiindedi ol.
