Astana protsesi Jeneva formatynan kelissózderge úlken ýaǵdalastyqtyń basty ustanymdaryn aiqyndaý úshin úilestirilgen ustanymmen barýymen erekshelenedi, dep jazady QazAqparat.
Mundai pikirdi Ázerbaijan Prezidenti janyndaǵy Strategiialyq zertteýler ortalyǵynyń direktory Farhad Mamedov bildirdi.
«Resei, Túrkiia jáne Iran sońǵy ailarda kelissózder protsesindegi dinamikaǵa jáne naqty máseleler boiynsha sheshimderge qol jetkizýge erik-jiger tanytýda. Siriia biligi men siriialyq oppozitsiianyń iri jasaqtarynyń ókilderi tipti, keibir málimetterge qaraǵanda, Saýd Arabiiasynyń ókilderi atalǵan formattaǵy kezdesýge qatysýǵa kelisken. Bul Siriia aýqymynyń keńeie túskendigi jaiynda aitýǵa múmkindik beredi. Onda ustanymdardy úilestirip, qysqa jáne orta merzimdi maqsattardy aiqyndaýǵa ári olardy júzege asyrý qadamdaryn belgileýge múmkindik beredi.
Kezdesý orny da tosynnan iriktep alynǵan joq. Óitkeni, Qazaqstan musylman memleketi sanalady. Onyń ústinde, BUU Qaýipsizdik keńesine halyqaralyq arenadaǵy myǵym ustanymy bar el retinde turaqty emes múshe. Kelissózderge qatysýshylardyń (Resei, Iran men Túrkiia basshylary) arasyndaǵy Prezident Nursultan Nazarbaevtyń bedeli barynsha joǵary nátijege qol jetkizýge jáne bolashaqta dál osy Astanada kelissózderdi jalǵastyrýǵa jaǵdai jasaidy. Astananyń janjaldardy retteý jáne joǵary deńgeidegi kelissózderdi ótkizý úshin aziialyq Jenevaǵa ainalýǵa áleýeti jetkilikti ekendigi sózsiz», - dedi Farhad Mamedov.
.jpeg)