Nur-Sultan turǵyndary qazaqtyń uly aqyny Abaidyń 175 jyldyǵyna orai #Abai175 #Abay #Abai #Abai mýzykalyq chellendjin bastady, dep habarlaidy "Ult aqparat" elorda ákimdigine silteme jasap.
Abai ánin birinshi bolyp túrli salada qyzmet etetin mamandar oryndady, olar - dárigerler, avtobýs júrgizýshileri, politseiler, qutqarýshylar, muǵalimder, etnomádeni birlestikterdiń ókilderi, sondai-aq volonterler.
Olarǵa qazaqstandyq estrada juldyzdary Maira Iliiasova, Qydyráli Bolmanov, Aigúl Imanbaeva, Qairat Baekenov qoldaý bildirdi. Barlyǵy súiip tyńdaityn, halyqtyń qulaǵynda jattalyp qalǵan «Kózimniń qarasy» áni jańasha shyrqaldy. Turǵyndar kompozitsiiany shyrqap qana qoimai, ony túrli aspaptarda da oryndady.
Mýzykalyq chellendjge qatysýshylar qazaq dalasynyń uly esimderin birge qoldaýǵa jáne bastamaǵa qatysýǵa shaqyrdy.
«Abaidyń 175 jyldyǵyna arnalǵan chellendjdi barsha qazaqstandyqtarǵa joldaimyz. Biz birgemiz», – deidi eriktiler.
Eske sala keteiik, 30 mamyrda Memleket basshysy Qasym-Jomart Toqaev Abaidyń týǵanyna 175 jyl tolýyn atap ótý týraly Jarlyqqa qol qoidy. Sondai-aq Qazaqstanda 10 tamyz – Abai kúni merekesi bolyp bekitildi.
