Politsiia qyzmetkerleri Máńgilik el men Orynbor kósheleriniń qiylysynda jalǵan diplomatiialyq nómir taǵyp alǵan «Mercedes-Benz» avtokóligin ustady, dep habarlaidy "Ult aqparat" qalalyq politsiia departamentiniń Instagram paraqshasyna silteme jasap.
Jalǵan nómir taǵyp alǵan júrgizýshi atalmysh kólikpen jalpy somasy 250 myń teńgelik AEK salýǵa negiz bolar 12 márte jol erejesin buzǵan. Avtokólik kommýnaldyq aiyppul turaǵyna jetkizildi.
Jalǵan nómirmen kólik júrgizgen 42 jastaǵy júrgizýshi Ákimshilik kodekstiń 590-baby boiynsha jaýapkershilikke tartyldy. Aldaǵy sotta ol adamǵa 20 AEK aiyppul nemese bir jylǵa júrgizýshi kýáliginen aiyrý jazasy taǵaiyndalýy múmkin.
Buryn atalmysh kólikke taǵylǵan diplomatiialyq nómir Polshanyń Elshiliginiń kóligine tirkelgen. Keiin esepten shyǵarylǵan. Onyń qalaisha «Mercedes-Benz» kóliginiń júrgizýshisinde júrgenin qazirgi ýaqytta politsiia qyzmetkerleri tekserýde.
