Elordaǵa qytaidyń Vero Cell Sinopharm vaktsinasy jetkizildi. Bul jaiynda Nur-Sultan qalalyq qoǵamdyq densaýlyq saqtaý basqarmasynyń basshysy Timýr Muratov málim etti, dep habarlaidy "Ult aqparat".
«Qurmetti elorda turǵyndary! Elordaǵa qytaidyń Vero Cell Sinopharm vaktsinasy jetkizildi. Endi qala turǵyndary úsh vaktsinanyń birin tańdai alady. Olar: reseilik «Spýtnik», qazaqstandyq QazVac jáne Sinopharm. Vaktsinatsiia koronavirýsqa qarsy qorǵanystyń jalǵyz ári tiimdi ádisi. Solai ǵana biz qalypty ómirimizge orala alamyz», - dep jazdy Timýr Muratov Facebook paraqshasynda.
Aita keteiik, 10 tamyz kúni Air Astana áýe kompaniiasy Beijińnen tikelei Sinopharm kompaniiasynyń Vero Sell vaktsinasyn jetkizdi. Bir mln dozany jetkizý «SQ-Farmatsiia» tapsyrysy boiynsha eki reispen iske asyryldy. Jalpy salmaǵy 20 tonna bolatyn meditsinalyq júk termo-konteinerlerde tasymaldanyp, 2-den 8 gradýsqa deiingi temperatýralyq rejim saqtaldy.
