Foto: Polisia.kz
Jalpy jáne arnaiy is-sharalardy ótkizý barysynda elordalyq politsiia departamentiniń qyzmetkerleri Sybailas jemqorlyqqa qarsy is-qimyl agenttigimen birlesip, Almatydan Astanaǵa sintetikalyq esirtkilerdi jetkizýdiń iri arnasynyń jolyn kesti, – dep habarlaidy Polisia.kz.
"6 qańtarda Astana qalasynda logistikalyq kompaniia arqyly esirtkiniń iri partiiasyn alý kezinde Pavlodar oblysynyń turǵyny ustaldy. Avtokólikti tintý barysynda odan 4,8 kg mefedron salynǵan 16 polietilen paket, elektrondy tarazy jáne 500 dana zip-paket tárkilendi" - delingen habarlamada.
Media-portal málimetinshe, bir mezgilde Almaty qalasynda esirtki jóneltýshi quryqtalǵan. Onyń páterin tintý barysynda esirtki zaty bar bes plastmassa konteiner, ekinshi deńgeili bankterdiń tólem kartalary, 1,3 mln teńge kóleminde qarajat jáne elektrondy tarazy tárkilengen.
"Osy fakti boiynsha Qazaqstan Respýblikasynyń Qylmystyq kodeksiniń 297-baby 3-bóligimen qylmystyq is qozǵaldy, ustalǵandarǵa qatysty qamaýǵa alý túrindegi bultartpaý sharasy tańdaldy", – dedi QR IIM esirtki qylmysyna qarsy is-qimyl departamenti bastyǵynyń orynbasary Sarqytbai Qusaiynov.
