«102» kanalyna Ǵabdýllin kóshesindegi úi turǵyny habarlasyp, belgisiz adamnyń úi kireberisiniń altynshy qabatynan tórt sýret urlaǵanyn jetkizdi, dep habarlaidy "Ult aqparat".
Turǵyndardyń aitýynsha, sýretter uzaq ýaqyt boiy úidiń sánin keltirip, turǵyndar men qonaqtardyń kóz qýanyshy bolǵan.
Nur-Sultan qalasy PD «Baiqońyr» aýdany politsiia basqarmasy kriminaldy politsiia qyzmetkerleri júrgizgen sharalar barysynda 33 jastaǵy elorda turǵyny ustaldy. Kúdikti budan buryn da urlyq jasaǵany úshin birneshe ret sottalǵan bolyp shyqty.
Kúndiz tanysyna qonaqqa kelgen er adamnyń qabyrǵada ilinip turǵan sýretterdi kórgende oǵan degen qyzyǵýshylyǵy oianǵan. Ol sýretterdi alyp, jasyrynady. Jolda sýrettiń birin ketip bara jatqan adamǵa satyp ta úlgergen.
Atalǵan fakti boiynsha qylmystyq is qozǵaldy. Kúdiktiniń qala aýmaǵyndaǵy basqa uqsas qylmystarǵa qatysy anyqtalyp jatyr.
