«102» كانالىنا عابدۋللين كٶشەسٸندەگٸ ٷي تۇرعىنى حابارلاسىپ, بەلگٸسٸز ادامنىڭ ٷي كٸرەبەرٸسٸنٸڭ التىنشى قاباتىنان تٶرت سۋرەت ۇرلاعانىن جەتكٸزدٸ, دەپ حابارلايدى "ۇلت اقپارات".
تۇرعىنداردىڭ ايتۋىنشا, سۋرەتتەر ۇزاق ۋاقىت بويى ٷيدٸڭ سەنٸن كەلتٸرٸپ, تۇرعىندار مەن قوناقتاردىڭ كٶز قۋانىشى بولعان.
نۇر-سۇلتان قالاسى پد «بايقوڭىر» اۋدانى پوليتسييا باسقارماسى كريمينالدى پوليتسييا قىزمەتكەرلەرٸ جٷرگٸزگەن شارالار بارىسىندا 33 جاستاعى ەلوردا تۇرعىنى ۇستالدى. كٷدٸكتٸ بۇدان بۇرىن دا ۇرلىق جاساعانى ٷشٸن بٸرنەشە رەت سوتتالعان بولىپ شىقتى.
كٷندٸز تانىسىنا قوناققا كەلگەن ەر ادامنىڭ قابىرعادا ٸلٸنٸپ تۇرعان سۋرەتتەردٸ كٶرگەندە وعان دەگەن قىزىعۋشىلىعى ويانعان. ول سۋرەتتەردٸ الىپ, جاسىرىنادى. جولدا سۋرەتتٸڭ بٸرٸن كەتٸپ بارا جاتقان ادامعا ساتىپ تا ٷلگەرگەن.
اتالعان فاكتٸ بويىنشا قىلمىستىق ٸس قوزعالدى. كٷدٸكتٸنٸڭ قالا اۋماعىنداعى باسقا ۇقساس قىلمىستارعا قاتىسى انىقتالىپ جاتىر.
