Elordada jyl saiyn 168 myń azamat áleýmettik qoldaýmen qamtylady. Bul týraly Nur-Sultan qalalyq eńbek jáne áleýmettik qorǵaý basqarmasy bastyǵynyń orynbasary Baqtiiar Ǵarifýllin aitty, dep habarlaidy "Ult aqparat".
«Nur-Sultan qalasynda jyl saiyn 168 myńnan astam azamat áleýmettik qoldaýmen qamtylady. Olar: zeinetkerler, Ekinshi dúniejúzilik soǵys ardagerleri, múgedekter, múgedek balalar, kópbalaly otbasylar, «Altyn alqa», «Kúmis alqa» belgilerimen marapattalǵan analar, az qamtylǵan otbasylar. Meiramdar men ataýly kúnderde birrettik tólem túrinde áleýmettik kómek kórsetiledi. Kómektiń bul túrin elordanyń shamamen 134 myń turǵyny Jeńis kúninde jáne basqa da merekelerde alady. Jergilikti ókildik organdardyń sheshimimen 120 myńnan astam adam ómirlik qiyn jaǵdaiǵa tap bolǵan kezde áleýmettik kómekti, JOO-ǵa oqý aqysy tólemin, qatty otyn salyp alýǵa, gazdandyrýǵa qosylýǵa áleýmettik kómekti, aýyz qýysyn protezdeý aldynda jaqsartý jáne tisti protezdeý kómegin tegin alady», - dedi ol.
Onyń atap ótýinshe, 19-23 sáýirde tisti tegin protezdeýge «Stomatologiia oqý-klinikalyq ortalyǵy» JShS-ynde jazylý júrgizilip jatyr. Jazylý aýdandar boiynsha myna telefondar arqyly júrgiziledi: Almaty aýdany – 37-03-92, Baiqońyr aýdany – 38-22-45, Esil aýdany - 31-32-08, Saryarqa aýdany – 39-79-49.
Sonymen qatar ol Eńbek jáne áleýmettik qorǵaý basqarmasy elektrondy formatta front keńse jobalaryn engizý boiynsha memleettik qyzmettiń 19 túrin kórsetetindigin aitty. Qyzmettik kabinetter open space formatynda jabdyqtalǵan. Jyl basynan beri 45 myń memlekettik qyzmet, onyń ishinde 37 myńnan astam qyzmet onlain formatta kórsetildi.
