Buqaralyq aqparat quraldary men teleradio habarlaryn taratý qyzmetkerleriniń «BAQ KASIPODAQ» salalyq kásipodaǵynyń tóraǵasy Zeiin Álipbek Nur-Sultan qalasynyń ákimi Altai Kólginovpen kezdesti, dep habarlaidy "Ult aqparat".
Kezdesý barysynda jýrnalisterdiń áleýmettik máselelerin sheshý joldary talqylandy. Atap aitqanda, áleýmettik jaǵynan az qamtylǵan jýrnalisterdiń baspanamen qamtylýyna septesý joldary qaraldy.
Ákimdik pen kásipodaq osy baǵytta birlesip jumys isteitin bolyp kelisti.
Sonymen qatar, kásipodaq tóraǵasy Z. Álipbek elordada Jýrnalister úiin ashý jaiyn kóterdi.
«Qazir jýrnalisterdiń bas qosyp, ózderiniń máseleleri men usynystaryn, ideialaryn talqylaityn arnaiy jeke orny joq. Mundai ortalyq qalam ustaǵan qaýymnyń yntymaǵyn arttyra túser edi», - dedi Zeiin Álipbek.
Bul usynysty qoldaǵan qala ákimi qaladan orynjai qarastyratynyn aitty.
Kásipodaq basshysy tarapynan jasalǵan atalǵan uiym músheleriniń qaladaǵy sporttyq nysandar qyzmetin tegin paidalanýyna jaǵdai jasaý týraly usynys ta ákim tarapynan qoldaý tapty.
Kezdesýdiń nátijeli bolǵanyn aitqan kásipodaq tóraǵasy Zeiin Álipbek qala ákimine qoldaýy úshin alǵysyn jetkizdi.
Eske sala keteiik, biz osyǵan deiin Qazaqstanda buqaralyq aqparat quraldary men teleradio habarlaryn taratý qyzmetkerleriniń salalyq kásipodaǵy qurylǵanyn habarlaǵan bolatynbyz.
