Nur-Sultan qalalyq Politsiia departamentiniń ákimshilik praktika bóliminiń aǵa inspektory Eldor Raiymbekov elordadaǵy jol-kólik oqiǵalary jii tirkeletin kóshelerdi atady, dep habarlaidy "Ult aqparat".
«Álbette, qala kósheleri boiynsha árdaiym taldaý jumystary júrgizilip turady. Jol-kólik oqiǵalary kóbirek tirkeletin aýmaqtar bar. Máselen, Táýelsizdik pen Pýshkin kósheleriniń qiylysynda avtokólikter kóbinese solǵa burylǵan kezde qarsy kele jatqan kólikti jibermei jatady. Osynyń saldarynan betpe-bet soqtyǵysady. Baýyrjan Momyshuly kóshesi men Táýelsizdik kósheleriniń, Abylai han men Momyshuly kósheleriniń qiylysynda da sondai jaǵdai. Ásirese, úlken kóshelerdiń qiylysynda jol-kólik oqiǵalary jiirek tirkeledi», - dedi Eldor Raiymbekov.
Onyń aitýynsha, úlken kóshelerdiń qiylysynda baǵdarshamnyń qiylysynda qyzyl shamy janǵannan keiin stop syzyqqa toqtaýy tiis. Alaida júrgizýshiler keide asyǵyp, jol-kólik oqiǵalaryna ushyrap jatady.
«Qysta kólikter ózara qashyqtyqty saqtai bermeidi. Jol-kólik oqiǵalarynan zardap shekkender aýrýhanaǵa jetkizilse, bizge, iaǵni «102» nómirine birden habarlama kelip túsedi. Osydan keiin kezekshi bólimder zardap shegýshiden jaýap alyp, materialdardy iske tirkep, ákimshilik sotqa joldaidy», - dedi ol.
